2022 წლის ოსკარის დაჯილდოების ცერემონია, მსოფლიო პანდემიის დაწყებიდან სრული ფორმატით პირველად დაგვიბრუნდა, სწორედ ამიტომ მოლოდინი გასული საღამოს მიმართ ძალიან დიდი გახლდათ. ბუნებრივია, ყველასათვის მონატრებული წითელი ხალიჩა და მისი გლამური მოვლენათა ეპიცენტრში ამჯერადაც მოექცა, ცნობილ ადამიანებმა და მათმა სტილისტებმა კი ძალები არ დაიშურეს, რათა ეს მოლოდინი გაემართლებინათ.
როგორც კი ლუპიტა ნიოგო smoky eyes თვალებით, წითელი ტუჩსაცხითა და სკულპტურული ვარცხნილობით წითელ ხალიჩაზე გამოჩნდა, ნათელი გახდა, რომ წინ ძალიან ბევრი საინტერესო მომენტი გველოდა, რომელიც ჩაცმულობებთან ერთად მაკიაჟითა და ვარცხნილობებითაც იქნებოდა გამორჩეული.
საუკეთესო ქალის მსახიობის ნომინაციაში გამარჯვებული ჯესიკა ჩესტეინი, გუშინდელი ჩაცმულობისთვის და სილამაზის ლუქისთვისაც, უდავოდ, იმსახურებდა ოსკარს. Dolce & Gabbana-ს კაბაში გამოწყობილ ჯესიკას, ნახევრად შეკრული ჟღალი თმა და ოქროსფერი მაკიაჟი ამშვენებდა, მთავარი აქცენტით თვალებზე.
ზოი კრავიცისთვის გასული საღამოს შთაგონება დიდებული ოდრი ჰეპბერნი იქცა, Saint Laurent-ის ვარდისფერი კაბით და ოდრისეული მინიმალისტური მაკიაჟითა და ვარცხნილობით, კრავიცმა ყურადღება ნამდვილად დაიმსახურა.
წარმოგიდგენთ The Diary-ს რჩეულ 10 სილამაზის ლუქს 2022 წლის ოსკარის წითელი ხალიჩიდან:
1. ლუპიტა ნიოგო
2. ჯესიკა ჩესტეინი
3. ნიკოლ კიდმანი
4. ზენდაია
5. ზოი კრავიცი
6. ლილი ჯეიმსი
7. ბილი აილიში
8. კრისტენ სტუარტი
9. პენელოპე კრუსი
10. კაიტრიონა ბალფი
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
ინსპირაციისთვის ICR-ის კატალოგი დავათვალიერეთ და SCARPIERA-ს კოლექციაზე შევჩერდით, რომელიც ქალისა და მამაკაცის მამაკაცის უმაღლესი ხარისხის ფეხსაცმელსა და აქსესუარს გვთავაზობთ.
