2020 წლიდან მოყოლებული აბრეშუმის შარფი ზაფხულის უცვლელი ტრენდია. მიუხედავად იმისა, რომ ზაფხულის აქსესუარი უკვე 2 წელია მოდურ ჟურნალებში, ცნობილების გარდერობებსა და სოციალურ მედიაში აქტიურად გვხვდება, მისი “მოდიდან გადასვლა” ჯერ-ჯერობით არ იგეგმება, უბრალოდ ყოველწლიურად შარფების გამოყენების ხრიკები სულ უფრო და უფრო იხვეწება. ამჯერად აბრეშუმის შარფის გამოყენების ტოპ 5 ხრიკს ქართულ ბრენდთან - “13 ვარ” ერთად გაგაცნობთ, რომელიც მომხმარებელს აბრეშუმის შარფებს გაცოცხლებული ძველი ქართული ორნამენტებით სთავაზობს.
კლასიკა
აბრეშუმის შარფის გამოყენების ყველაზე პოპულარული მეთოდი კლასიკური, 60-იანი წლების სილუეტია, როდესაც შარფი თმას მთლიანად ფარავს და კისერზე იკვრება. ამ მეთოდის გამოყენება ყოველდღიურ Look-თან, თუ საცურაო კოსტიუმთან ერთნაირად წარმატებულად შეიძლება.
მეკობრე
ეს უკანასკნელი “მოდაში” რამდენიმე წლის წინ აგერ უკვე მერამდენედ შემოვიდა, რაც მეტწილად ცნობილი მოდელის - ბელა ჰადიდის დამსახურებაა. ეს სილუეტი უფრო ყოველდღიურ და ექსცენტრული Look-ებს უხდება.
ფრიალა კაბა
“13 ვარ” აბრეშუმის შარფებს სხვადასხვა ზომაში გვთავაზობს, ამიტომ მათი გამოყენება თავსაბურავად, მოსასხამად და მეტიც, კაბადაც შეიძლება. შარფის სანაპიროსთვის ფრიალა კაბად გარდაქმნა კი ძალიან მარტივად შეიძლება.
თუ ერთფეროვნება არ გიყვართ, პატარა ექსპერიმენტის ჩატარებაც არ გაწყენთ. თქვენი ნებისმიერი საცურაო კოსტიუმის კრეატიულად შეფუთვა აბრეშუმის შარფითაც შეიძლება. ალბათ დაგვეთანხმებით, რომ სტანდარტულ, უღიმღამო ფორმებს ჰაეროვანი და პრიალა ქსოვილი ნამდვილად გამორჩეულად აქცევს.
მოსასხამი
სანაპიროზე, ან თუნდაც აუზზე ფერადი მოსასხამი ნამდვილი მისწრებაა, მითუმეტეს მაშინ, როდესაც მისი შეხამება იმავე სტილის თავსახვევთან შეგიძლია. “13 ვარ” კი იმის გარანტიაა, რომ გაცოცხლებული ქართული ორნამენტებით თქვენი საზღვაო Look-ი ნამდვილად გამორჩეული იქნება.
თუ მეტი გამორჩეულობისთვის შარფისთვის განსაკუთრებული დეტალის დამატება გსურთ, "13 ვარ" მომხმარებელს სახელობით შარფებსაც სთავაზობს, რაც მოდურ აქსესუარს კიდევ უფრო ინდივიდუალურს გახდის.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.