როზი ჰანთინგტონის მყუდრო სახლი ქაოტურ ლონდონში
ბრიტანელმა მოდელმა ლონდონში პირადი სამოთხე მოიწყო, სადაც თანამედროვე ელემენტები ვინტაჟურ, კლასიკურ დიზაინთან ჰარმონიაში ელეგანტურ გარემოს ქმნის.
ეჭვგარეშეა, 2022 წელი მაქსიმალიზმს მიეძღვნება და ყველაზე მოდურ ერთეულებად ხმამაღალი სილუეტები, მრავალმნიშვნელოვანი დეტალები და გიგანტური აქსესუარები იქცევიან. დღეს, სწორედ ამ უკანასკნელზე - აქსესუარებზე შევჩერდებით და მომავალი წლისთვის ყველაზე ტრენდულ ნივთებს წარმოგიდგენთ, რომლებიც თქვენს გარდერობში აუცილებლად მოხვდებიან.
გიგანტური საყურეები
Giambattista Valli-ს, Saint Laurent-სა თუ Givenchy-ს 2022 წლის კოლექციებზე თვალის გადავლებაც საკმარისია იმაში დასარწმუნებლად, რომ 2022 წელს გიგანტური საყურეები განსაზღვრავენ. ამ აქსესუარებს ყველაზე ერთფეროვანი ჩაცმულობისთვის საჭირო ეფექტის მინიჭება მარტივად შეუძლიათ.
მასიური სამაჯურები
მაქსიმალიზმის კიდევ ერთი ნათელი მაგალითი - მასიური სამაჯურები ცნობილი მოდის სახლების: Chanel-ის, Fendi-ს, Givenchy-ს, Loewe-სა და Hermès-ის 2022 წლის ჩვენებებში გამოჩნდა. სტილი შესაძლოა განსხვავებული იყოს, თუმცა კონცეფცია ერთია. გაითვალისწინეთ ის ფაქტი, რომ აუცილებელი არ არის გაზაფხული/ზაფხულის სეზონს დაელოდოთ, რათა ამ სტილის სამაჯურები მოირგოთ. მათი ტარება ხელთათმანებსა თუ სვიტრებზეც შესაძლბელია.
წინამხრის სამაჯურები
სამაჯურების თემა მასიური აქსესუარის ტრენდით ნამდვილად არ დასრულებულა. თქვენ წინაშეა წინამხრის სამაჯურები, სხვადასხვა დიზაინითა და მბზინავი თვლებით.
უხეში მრავალფენიანი ჯაჭვები
მოდური გოგოების რჩეული ჯაჭვები 2022 წლის მოდის ტრენდთა შორისაც აუცილებლად შეგვხვდებიან. თუმცა, ოდნავ სახეცვლილად - ახლა ისინი მრავალფენიან კომპოზიციას წარმოგვიდგენენ. ამ სტილის აქსესუარის ტარება შესაძლებელია როგორც ყელსაბამად, ასევე სამაჯურად.
უზარმაზარი მძივები
თუ ჯერ კიდევ ვერ დაგარწმუნეთ იმ ფაქტში, რომ მაქსიმალიზმი მოდის სამყაროში ამაყად შეამოაბიჯებს, წარმოგიდგენთ კიდევ ერთ აქსესუარს - უზარმაზარი მძივებისგან აცმულ ყელსაბამებს, რომლებიც ახალი კოლექციის ჩვენებებში არაერთი მოდის სახლის პოდიუმზე ვიხილეთ.
ინფანტილური ბეჭდები
თვალშისაცემი, ინფანტილური ბეჭდები მოდის ტრენდებში უკვე რამდენიმე წელია გამოჩნდა. თუმცა, 2022 წელს ერთი მნიშვნელოვანი სიახლით დაგვიბრუნდება: როგორც მოდის სახლი Dior-ი გვარწმუნებს, მსგავსი სტილის ბეჭდები გაზაფხული-ზაფხულის სეზონზე ერთად უნდა მოვირგოთ და ყველაზე მონოქრომულ ჩაცმულობასაც კი ხიბლი შევძინოთ.
არ გამოგრჩეთ
Weekend Max Mara-ს ახალი Signature კოლექცია ლუსი ჰეილისთან ერთად შეიქმნა
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
ZAG bijoux - მორიგი ფრანგული ბრენდი TI'ME-სგან
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.