ახალი წელი გვიახლოვდება და მასთან ერთად მოდის ახალი ტენდენციებიც, რომელიც აქტიურად მილანის, პარიზის, ლონდონის და ნიუ იორკის მოდის კვირეულებზე აქტიურად გვხვდებოდა.
TREND 01 - Quit luxury
ახლის განხილვას სანამ შევუდგებით, მნიშვნელოვანია აღვნიშნოთ უკვე კარგად ნაცნობი და გამყარებული “Quit luxury” ტრენდი. უკანასკნელი იმ ტანსაცმელს მოისაზრებს, რომელიც მაღალი ხარისხისაა, თუმცა ამავდროულად დახვეწილი და “მორცხვი” თავისი მარკეტინგული და ვიზუალური თვალსაზრისით.
"მშვიდი ფუფუნების” ტრენდი საკუთარ აქტუალურობას არც 2024 წელს დაკარგავს, რადგან საზოგადოება ლოგომანიით დაიღალა და უპირატესობას ორგანულ სტილს ანიჭებს. ეს ტრენდი საკმაოდ მარტივი მოსარგებია, თუ ნეიტრალურ ფერებს, კლასიკურ პიჯაკებს და მკაცრი სტილის გრძელ პალტოებს ჩაიცვამთ. მეტი ინსპირაციისათვის სერიალს - “Succesion” შეგიძლიათ მიმართოთ, რომელიც ამ სტილის პოპულარიზაციის ერთ-ერთი მთავარი მიზეზია.
TREND 02 - Preppy girl
მშვიდ ფუფუნებასთან დიდ წინააღმდეგობაში მოდის მომდევნო მასიური ტრენდი - “preppy girl”, რომელიც Miu Miu-ის და მისი ახალი სტილისტის, ლოტა ვოლკოვას დამსახურებაა. ლოტა დემნა გვასალიასთან თანამშრომლობის შემდეგ გახდა ცნობილი. ის როგორც Balenciaga-ის, ასევე Vetements-ის ჩვენებებზე გახლდათ სტილისტი.
ლოტას უყვარს 90-იანი წლების მოტივებთან თამაში, ხშირად ბავშვური და ცოტა შოკის მომგვრელი ელემენტების გამოყენება, რომლებიც მისი საბჭოთა წარსულის გადმონაშთია. ამ ლუქის მორგება მარტივი არაა, აქ მთავარი “როკ-ელემენტებთან” სწორი ბალანსის დაჭერაა: უხეში ჩექმები, ოვერ-საიზ ქურთუკები და ამავდროულად, ნაზი ელემენტების შეხამება: მინი ქვედაბოლო, ბაფთები და პასტელური ფერები.
TREND 03 - 50’s
შემდეგი მაკრო ტრენდი “50ანები” გახლავთ. ეს პერიოდი მოდაში ქალური სილუეტებით გამოირჩეოდა. 50-იანი წლების მოდური ქალების სიაში ბრიჯიტ ბარდო, მერლინ მონრო და გრეის კელი შედიან. ეს ტრენდიც სწორედ ამ 3 დაუვიწყარი ქალის ნაზავია. ბრიჯიტის ცნობილი, ძლიერი cat-eye ლაინერი, მერლინის წელზე აქცენტირებული სილუეტი და გრეის კელის საყვარელი “ფანქარი ქვედაბოლოები”.
ზემოთ ნახსენები ტრენდები მთლიან look-ებს მოიაზრებს, ახლა კი უფრო ლოკალურად განვიხილოთ, კონკრეტულად რა სამოსი, ფეხსაცმელი და აქსესუარები იქნება “მოდაში” უახლოეს სეზონებზე.
TREND 04 - No more Over-size
ოვერ საიზი 2024 წელს საკუთარ აქტუალურობას ნაწილობრივ დაკარგავს. ეს დიდი ზომის სპორტულ ფეხსაცმელს, ჯინსებს და მაისურებს ეხება. მოდიდან არ გადავა ოვერ-საიზ ტყავის ქურთუკები, პიჯაკები და პალტოები. უპირატესობა მიენიჭება ტენისის სტილის კეტებს და ფეხსაცმელს დაბალ ძირზე, როგორიცაა ლოუფერები და ბალეტის ფეხსაცმელი.
TREND 05 - Red Passion
ღვინის ფერი და წითელი ტანსაცმელი ახალი წლის პერიოდის კლასიკაა, მაგრამ Jacquemus-ის დამსახურებით, განსაკუთრებულად მოდურია წითელი ფერის აქსესუარები, მაგალითად სათვალეები და ჩანთები. არ დაივიწყოთ ღვინის ფერი ტუჩსაცხიც, რომელიც 2024 წელს ყველაზე ტრენდული აითემი იქნება.
TREND 06 - It’s all about the details
ალბათ ყველაზე მნიშვნელოვანი ტრენდი, რომელიც აბსოლუტურად ყველგან იკითხება, “საინტერესო დეტალები უბრალო ნივთებზე” გახლავთ. მაგალითად ჯინსები საინტერესო ჯიბეებით, შავი კაბა დიდი ღილებით, პალტო მასიური ქამრით, ან ჩანთა არაბანალური შესაკრავით. ასეთი სახალისო აქცენტები Moschino-ის ბრენდის ხელწერაა.
Movement Concept store-ში ზემოთ ნახსენები ყველა ტრენდის შესაბამისი პროდუქცია მოიძებნება, თუმცა მყიდველმა თავად უნდა გადაწყვიტო, თუ რომელი ტრენდი მოუხდება მას, რათა სწორი ინვესტიცია განახორციელოს.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
ინსპირაციისთვის ICR-ის კატალოგი დავათვალიერეთ და SCARPIERA-ს კოლექციაზე შევჩერდით, რომელიც ქალისა და მამაკაცის მამაკაცის უმაღლესი ხარისხის ფეხსაცმელსა და აქსესუარს გვთავაზობთ.
