მეტროპოლიტენის ხელოვნების მუზეუმში ამერიკული მოდის ზეიმი გრძელდება, ტრადიციულად მაისის პირველ ორშაბათს, კერძოდ კი 2022 წლის 2 მაისს, წლის ყველაზე გრანდიოზული კოსტიუმირებული საღამო Met Gala გაიმართება. თუ წამით თავში ის აზრი გაგიელვებთ, რომ გასულ წელს საქველმოქმედო საღამოს თითქოს სულ ახლახან მიადევნეთ თვალი, თქვენ არ ცდებით, 2021 წელს Met Gala შეცვლილი თარიღით წარსდგა ჩვენ წინაშე და მაისის ნაცვლად სექტემბრის პირველ ორშაბათს გაიმართა.
საქმე ის გახლდათ, რომ covid 19-ით გამოწვეული შეზღუდვების გამო 2020 წლის ღონისძიება ავტომატურად გაუქმდა, 2021 წელს კი მაისის დასაწყისში რეგულაციების სრული დაცვით საქველმოქმედო საღამოს გამართვა მაინც ვერ ხერხდებოდა, სწორედ ამიტომ ღონისძიების ორგანიზატორებმა მიიღეს გადაწყვეტილება და Met Gala 2021 წლის სექტემბერში გადაიტანეს და ერთდროულად ორი თემა შეარჩიეს.
ორნაწილიანი ინსტალაციის პირველი ნაწილი - In America: A Lexicon of Fashion სექტემბრის თვეში მოეწყო, მეორე თემა In America: An Anthology of Fashion კი 2022 წლისთვის შემოინახეს. ამერიკული მოდის ინკლუზიურობას, ახალგაზრდა დიზაინერების მხარდაჭრასა და მათი მრავალფეროვნების ხაზგასმას გასულ წელს უკვე მივადევნეთ თვალი ახლა დროა ამერიკული მოდის ანთოლოგიას, კერძოდ კი 1870-90-იან წლებს მივადევნოთ თვალი.
2022 წლის Met Gala-ს თანაორგანიზატორები, ანა ვინტურისთან, ტომ ფორდთან და ადამ მოსერისთან ერთად, წელს ბლეიკ ლაივლი, რაიან რეინოლდსი და ლინ-მანუელ მირანდა იქნებიან.
ბუნებრივია, Met Gala ამჯერადაც თავისი წესებით მოქმედებს, თუ ორგანიზატორები ამბობენ, რომ წლის თემა ამერიკული მოდის ანთოლოგიაა, დრესს კოდი კი მოოქროვილი გლამური, მაშინ საქველმოქმედო საღამოს სტუმრებს მოუწევთ ყურადღებით შეარჩიონ კოსტიუმირებული საღამოსთვის სამოსი და თემიდან არ ამოვარდნენ.
1870-90-იანი წლების ამერიკული მოდა, ექსტრავაგანტური სილუეტები და პომპეზური აქსესუარები სულ რაღაც 6 დღეში, მეტროპოლიტენის ხელოვნების მუზეუმში გაცოცხლდება. ყველა მოუთმენლად ელის იხილოს ამერიკული მოდა 2 საუკუნის წინ, დამახასიათებელი დრეს კოდებითა და გამომხატველობით, ვინ როგორ აუღებს ალღოს 2022 წლის თემას, ვის ვიხილავთ წითელ ხალიჩაზე, რა სიურპრიზებს უნდა ველოდოთ ცნობილებისგან და მათი დიზაინერებისგან, ამას სულ რამდენიმე დღეში ერთად შევიტყობთ.
ღონისძიებას ხელოვნების, მოდის, კინემატოგრაფიისა და მუსიკის სფეროში მოღვაწე ვარსკვლავები 1948 წლიდან ესწრებიან, იმ მომენტიდან, როდესაც ელეანორ ლამბერტმა თავის დიდებულ იდეას ხორცი შეასხა და ათწლეულების განმავლობაში ყველაზე წარმატებულად ახერხებს საქველმოქმედო საღამოს გამართვასა და მეტროპოლიტენ მუზეუმის კოსტუმების ინსტიტუტისთვის შემოწირულობის შეგროვებას. ყველაზე დიდი თანხა Met Gala-ს 73-წლიანი ისტორიის განმავლობაში 2014 წელს შეგროვდა და 12 მილიონი დოლარი შეადგინა.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.