სრულყოფილი მაკიაჟის საიდუმლო არა ძვირიანი პროდუქტი, არამედ მაკიაჟის საშუალებების სწორად გამოყენებაა. დეკორატიული კოსმეტიკა უბრალოდ საღებავია, რომლითაც საკუთარ სახეზე თქვენ თავად ხატავთ. იმისათვის, რომ თქვენს თვალებს მეტი მიმზიდველობა შესძინოთ, Make Up კურსის გავლა სულაც არაა საჭირო. The Diary თვალის იდეალურად დასახატად 7 ხრიკს გთავაზობთ.
#1 პუდრი ფუმფულა წამწამებისთვის
მას შემდეგ, რაც თვალზე ტუშის ერთი ფენა უკვე დაიტანეთ, წამწამებზე ცოტაოდენი გამჭვირვალე პუდრი დაიყარეთ და რამდენიმე წამი აცადეთ გაშრობა. ამის შემდეგ, წამწამებზე ტუშის მეორე ფენა გადაისვით. შედეგი ნამდვილად გაგაოცებთ!
#2 დრო დაუთმეთ ხელოვნურ წამწამებს
ხელოვნური წამწამების დამაგრების დროს, ნუ იჩქარებთ. მას შემდეგ, რაც თვალის კონტურზე სპეციალურ წებოს დაიტანთ, 30-40 წამი დაიცადეთ და წამწამები შემდეგ დაიმაგრეთ. დარწმუნებული იყავით, რომ წამწამები თავის ადგილზე დიდი ხნის მანძილზე დარჩება!
#3 თვალის ჩრდილი ლაინერის ნაცვლად
ლაინერი დაგიმთავრდათ? რა პრობლემაა?! შეარჩიეთ სასურველი ფერის თვალის ჩრდილი, კუთხოვანი ფუნჯი დაასველეთ წყლით, ან მიცელარული წყლით, აიღეთ თვალის ჩრდილი და დაიტანეთ თვალზე ისე, როგორც ლაინერს დაიტანდით. თუ smokey eyes-ის ეფექტის მიღება გსურთ, 1 წუთი ჩრდილის გაშრობას დაელოდეთ და ხაზი ფუნფულა ფუნჯით გადაანაწილეთ.
#4 არ გადაამეტოთ ლაინერი!
მას შემდეგ, რაც თვალის ზედა მხარეს, წამწამების გაყოლებაზე ლაინერს დაიტანთ, შეჩერდით! გადამეტებული ლაინერის მოხმარება თვალის ზომას აპატარავებს. ლაინერი მხოლოდ წამწამების გასწვრივ, თვალის კუთხის ჩათვლით უნდა დაიტანოთ.
#5 თეთრი ლაინერი თვალის გასადიდებლად
თვალის ქვედა ნაწილში მუქი ფერის ლაინერის დატანა არასწორი გადაწყვეტილებაა მათთვის, ვისაც ისედაც პატარა ზომის თვალები აქვს. ამიტომ, თვალის ზედა მხარეს მუქი ლაინერის დატანის შემდეგ, ქვედა მხარეს nude, ან თეთრი ფერის ლაინერი წაისვით, რაც თვალის ზომას საგრძნობლად გაზრდის.
#6 ამოანათეთ წარბის კონტური
თეთრი ლაინერი ჯერ არ შეინახოთ! იმისათვის, რომ თქვენი წარბის ქვედა ხაზი კარგად გამოკვეთოთ, თეთრი ლაინერი ნამდვილი მიგნებაა. წარბის ქვედა ხაზის გაყოლებაზე თეთრი ლაინერი მკრთალად დაიტანეთ და შემდეგ ფუნჯით (ცხვირიდან ყურისკენ მიმართულებით) გადანაწილეთ.
#7 აიპრიხეთ წამწამები
ბევრი თვლის, რომ წამწამების ასაპრეხი მაკრატელი მათ წამწამებზე არ მოქმედებს (მეც ასე მეგონა). სინამდვილეში, საქმე გაცილებით მარტივადაა. ასაპრეხი მაკრატლით წამწამები რამოდენიმეჯერ უნდა ავპრიხოთ (5-6-ჯერაც, თუ საჭიროა). შედეგს თავადაც ნახავთ.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
