ჯანი ვერსაჩეს 1997 წლის შემოდგომა/ზამთრის Atelier Versace შოუს მსოფლიო ორი აშკარა მიზეზის გამო იცნობს. დავიწყოთ იმით, რომ ეს მოდის სახლის დამფუძნებლის უკანასკნელი კოლექცია გახლდათ, რომელიც ჯანიმ 1997 წლის 6 ივლისს პარიზში წარადგინა, 9 დღის შემდეგ ვესაჩე, ამერიკელმა მკვლელმა, ენდრიუ კუნაანმა მაიამის სასახლის, Casa Casuarina-ს კიბეებზე მოკლა. მეორე მხრივ კი ეს იყო შთამბეჭდავი კოლექცია, ერთ-ერთი უნიკალური ჯანი ვერსაჩეს შემოქმედებაში, რომელიც თავის მხრივ ეხმიანებოდა როგორც მიმდინარე მოდის ესთეტიკებს (დიზაინერმა კოლექცია მხრის ბალიშების გარშემო ააგო, რომელსაც ბოლო წლებში, თანამედროვე მოდაშიც დიდი დაბრუნება ჰქონდათ), აგრეთვე ასახავდა კულტურას მოდის პრიზმიდან.
1989 წლიდან მოყოლებული, ჯანი ვერსაჩე Atelier Versace ჩვენებებს, პარიზში, მაღალი მოდის კვირეულის ჟამს აწყობდა, რომაული ალტა მოდის ნაცვლად. პარიზში, ჯანის ხელწერა მეტად ინტიმური გახდა, რაც მაღალი მოდისა და მისი კლიენტების სურვილების გამოძახილითაც აიხსნება. Paris haute couture week-ში ფეხის შედგმიდან და სადებიუტო კოლექციის ჩვენებიდან, ვერსაჩე და მისი მოდის სახლი პარიზული მაღალი მოდის კვირეულის რჩეულ მონაწილეებად იქცნენ.
კოლექციაში შავი ფერი დომინირებდა, 83 ლუქიდან, 53 სწორედ შავი ფერის დომინირებით, ან სრულად შავი სილუეტით იყო შექმნილი, რასაც ხშირად ჯანის ავისმომასწავებელ წინასწაერმეტყველებას უწოდებენ. დიზაინერმა კოლექციის შესაქმნელად შთაგონებას, ნიუ-იორკის მეტროპოლიტენის ხელოვნების მუზეუმში, ბიზანტიის დიდების გამოფენაში მიაგნო; სწორედ ამიტომ, ვერსაჩეს უკანასკნელ კოლექციაში რელიგიური თემატიკა და ჯვრები დიდი რაოდენობით იყო წარმოდგენილი, მოდელების ვარცნილობა კი რენესანსის ეპოქის გამოძახილი გახლდათ.
"ჩემო საყვარელი კოლექცია ჯანის შემოქმედებიდან, არის მისი უკანასკნელი ჩვენება ჯვრებით, ბიზანტიური... ვფიქრობ, ის ძალიან ახლოსაა იმასთან, რასაც თანამედროვე დიზაინერები დღეს ქმნიან" - განაცხადა დონატელა ვერსაჩემ ერთ-ერთ ინტერვიუში.
მართალია, ჯონ გალიანოსა და ალექსანდ მაკქუინის დიდი გავლენით, თუმცა ჯანი ვერსაჩეს უკანასკნელი კოლექცია, მისთვის და მისი მოდის სახლისთვის ახალი მიმართულების მაჩვენებელი იყო. ჩვენების შემდეგ კრიტიკოსები ერთხმად აცხადებდნენ, რომ ჯანიმ საკუთარი თავი გამოიწვია და ამ დიდ ბრძოლაში გამარჯვებულიც დარჩა.
როგორც ვერსაჩეს ყველა ჩვენებაში, 1997 წლის შემოდგომა/ზამთრის კოლექციაში, მონაწილეობას 90-იანი წლების სუპერმოდელები: ნაომი კემპბელი, შალომ ჰარლოუ, ამბერ ვალეტა და სტელა ტენანტი იღებდნენ, მათ შორის იყვნენ უფრო ახალი თაობის წარმომადგენლებიც: ერინ ო'კონორი და ესტერ კანადასი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
ინსპირაციისთვის ICR-ის კატალოგი დავათვალიერეთ და SCARPIERA-ს კოლექციაზე შევჩერდით, რომელიც ქალისა და მამაკაცის მამაკაცის უმაღლესი ხარისხის ფეხსაცმელსა და აქსესუარს გვთავაზობთ.
