ბოლო რამდენიმე წლის განმავლობაში, სპორტული ტანსაცმლისა და ფეხსაცმლის გიგანტმა Adidas-მა დიდი ძალისხმევა მიმართა მაღალი მოდის ინდუსტრიაში შესასვლელად. გერმანული ბრენდი გაერთიანდა ისეთ მოდის სახლებთან, როგორებიც: Prada და Gucci არიან, რამდენიმე თვის წინ კი Adidas-მა კიდევ ერთ ძლევამოსილ ბრენდთან Balenciaga-სთან კოლაბორაცია დაანონსა New York Stock Exchange-ზე.
Balenciaga x adidas აერთიანებს სპორტული ტანსაცმლისა და მოდის ელემენტებს, რომლებიც ორივე ბრენდის კრეატიული ენის ნაწილია
ნეო-ფუტურისტული კოლაბორაციის დებიუტი 3 ნოემბერს შედგა, Balenciaga-მ და Adidas-მა ტანსაცმლის, ფეხსაცმელებისა და აქსესუარების კოლექცია წარმოადგინეს, რომელიც ოსტატურად აკავშირებს ორი ბრენდის განსხვავებულ კონცეფციებს. მიუხედავად იმისა, რომ ორივე გავლენიანი ბრენდი საკუთარი მტკიცე კონცეფციით გამოირჩევა, მათ მაინც მოახერხეს გადაკვეთის წერტილის პოვნა და ფართო აუდიტორიისთვის ნანატრი პროდუქციის შეთავაზება.
ერთი შეხედვით, Balenciaga x adidas-ის მაისურები კლასიკურ სპორტულ ტანსაცმელს მოგაგონებთ, თუმცა მცირედი დაკვირვებაც სამარისია, რომ მასში Balenciaga-ს, უფრო კერძოდ კი დემნა გვასალიას ხელწერა ამოიცნოთ. Balenciaga-ს ავთენტურობა განსაკუთრებით იკვეთება სპორტულ ფეხსაცმელებში, რომლებიც Adidas-ის კლასიკური მოდელების ჰიბრიდებს უფრო წარმოადგენენ.
Balenciaga x adidas-ის კოლაბორაციის სახედ ბელა ჰადიდი მოგვევლინა. ბელა Balenciaga-ს ჩვენებების სახედ ბოლო წლების განმავლობაში იქცა, მაშინ, როდესაც დემნა, პოდიუმზე ცნობილი მოდელების გამოყვანაზე უარს ამბობდა, მან ჰადიდში ის უნიკალურობა აღმოაჩინა, რომელიც ფრანგული მოდის სახლისთვის და მისი დემნასეული კონცეფციისთვის სახასიათო აღმოჩნდა. მას შემდეგ, რაც ბელა ჰადიდმა Balenciaga-ს პოდიუმზე ერთხელ დადგა ფეხი, ის სამუდამოდ დაკავშირებული გახდა მოდის სახლთან.
Balenciaga / Adidas soccer T-shirt oversized
Balenciaga / Adidas Hourglass XS handbag
Balenciaga / Adidas T-shirt oversized
Balenciaga / Adidas Trefoil earrings
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
ინსპირაციისთვის ICR-ის კატალოგი დავათვალიერეთ და SCARPIERA-ს კოლექციაზე შევჩერდით, რომელიც ქალისა და მამაკაცის მამაკაცის უმაღლესი ხარისხის ფეხსაცმელსა და აქსესუარს გვთავაზობთ.
