ნიუ-იორკში მოდის კვირეულის ციებ-ცხელება მიმდინარეობს, ამერიკული მოდის სახლები 2022 წლის შემოდგომა/ზამთრის კოლექციებს აქტიურად წარადგენენ. ყველაზე გამორჩეულ ჩვენებათა შორის Brandon Maxwell-ის დეფილემ უკვე დაიკავა მოწინავე ადგილი და დღეს სწორედ მოდის სახლის უახლეს კოლექციას, მის ემოციურ მოტივებსა და შთაგონებას გაგაცნობთ.
ბრენდონ მაქსველის კოლექციებსა და ჩვენებებში, ოჯახს ყოველთვის განსაკუთრებული ადგილი ეკავა, თუმცა ამერიკელი დიზაინერის უკანასკნელი ჩვენება ყველაზე გამორჩეული და სენტიმენტალურია, რადგან მაქსველმა ის ბებიის ხსოვნას მიუძღვნა, ქალს, რომელმაც უდიდესი როლი ითამაშა ბრენდონის კარიერულ წინსვლაში და ქალს, რომელიც წლების განმავლობაში გმირულად იბრძოდა ალცჰაიმერის წინააღმდეგ.
„ცხოვრებაში ძალიან გაგვიმართა, თუ გვყავს ერთი ადამიანი მაინც, რომელიც რთულ გზას ჩვენთან ერთად გაივლის“ - განაცხადა ბრენდონ მაქსველმა ინტერვიუში
თეატრში, სუსტი განათების ფონზე Brandon Maxwell-ის შემოდგომა/ზამთრის კოლექცია, სუპერმოდელმა კარლი კლოსმა გახსნა, რომელიც პოდიუმზე მცირე პაუზის შემდეგ ვიხილეთ და სუპერმოდელის გრაციის დამსახურებით კიდევ ერთხელ დავრწმუნდით, თუ რატომ გვიყვარს კარლი ასე ძალიან.
ბრენდონ მაქსველის ხელწერად ქცეული თამამი ფერები და ფსიქოდელიური სილუეტები 2022 წლის შემოდგომა/ზამთრის კოლექციაში არ გვინახავს, ამის ნაცვლად ამერიკელმა დიზაინერმა ნეიტრალური ტონები, თბილი და დამამშვიდებელი ფერები წარმოგვიდგინა, სილუეტთა შორის დახვეწილი, ფემინური სტილი ჭარბობდა.
„ბევრი ჩვენება ისე მოვაწყვე, გამუდმებით ვფიქრობდი რას იფიქრებდნენ სხვები მასზე, ეს ჩვენება მათ რიცხვს ნამდვილად არ მიეკუთვნება“ - ბრენდონ მაქსველი
დეფილეს პარალელურად, თეატრის ჩაბნელებულ ადგილებს ოჯახური ფოტოსურათები ავსებდა, რომლებიც ყოველთვის ბრენდონის ბებიის - მამოს გარშემო ტრიალებდა, სიმღერასთან ერთად ისმოდა ხმოვანი ჩანაწერები ბოლოს კი ფრაზა: „უბრალოდ გახსოვდეს რამდენად მიყვარდი“.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
