როზი ჰანთინგტონის მყუდრო სახლი ქაოტურ ლონდონში
ბრიტანელმა მოდელმა ლონდონში პირადი სამოთხე მოიწყო, სადაც თანამედროვე ელემენტები ვინტაჟურ, კლასიკურ დიზაინთან ჰარმონიაში ელეგანტურ გარემოს ქმნის.
გუბაზა და გუბაზიჩა (ამას მხოლოდ მილენიალები გაიგებენ) ვერც კი წარმოიდგენდნენ, რომ მათი სრულიად „ძველბიჭური“ და პრაქტიკული არჩევანი ერთ დღესაც პოდიუმზე მოსიარულე „მაგარი“ გოგოების თავებზე აღმოჩნდებოდა.
Bucket Hat-ის (90-იანების საქართველოში პანამის სახელით ცნობილი ქუდი) ისტორია 1900-იან წლებში, ირლანდიელი მეთევზეებისა და ფერმერების წრეში დაიწყო, რომლებიც უცნაური ფორმის ქუდს წვიმისაგან დაცვის მიზნით იყენებდნენ.
მისი Fashion story კი სათავეს 60-იან წლებში იღებს, როდესაც ფუნქციური თავსაბურავი მოდურ აქსესუარად გადაიქცა, 80-იანი წლების დასაწყისში კი ჰიპ-ჰოპ არტისტების კრეატიულ თავებზე აღმოჩნდა.
ბევრი ზემოხსენებული ქუდის პოპულარობას ამერიკელ რეპერს - Big Bank Hank-ს მიაწერს, თუმცა მეტწილად ეს უკანასკნელი 80-იანი წლების ბოლოდან LL Cool J-ისგან 2000-იანების დასაწყისიდან კი თვით Jay Z-გან გვახსოვს.
Bucket Hat-ის ერა საუკუნის დასაწყისში დასრულდა. ზემოხსენებული ტრენდის დაბრუნებას 2005 წელს მიუჩია პრადა შეეცადა, როდესაც დიზაინერმა კოლექციაში ფარჩევანგის ბუმბულებით გაფორმებული ქუდები გამოიყენა. ათიოდე წლის შემდეგ კი რიანას ახლო მეგობარმა - მელისა ფორდმა Bucket Hat-ების კოლექცია შექმნა, რომელშიც რირი არა ერთხელ გვინახავს.
საბოლოოდ ცნობილი ქუდის მასობრივი ატაცება 2018 წელს მოხდა, როდესაც მოდის წამყვანმა სახლებმა რატომღაც ერთდროულად გადაწყვიტეს თავის დროზე ჰიპ-ჰოპ არტისტების საყვარელი თავსაბურავის გაცოცხლება. Prada, Miu Miu, Michael Kors, თუ სხვა დიზაინერები 90-იანების შემდეგ მივიწყებულ აქსესუარს დღემდე აქტიურად იყენებენ.
გარდა ამისა, ქუდს Hollywood-ელ ვარსკვლავებს შორის უამრავი თაყვანისმცემელი გამოუჩნდა. მათ შორისაა ბოლო დროის ერთ-ერთი ყველაზე წარმატებული მუსიკოსი ბილი აილიში, რომელიც Bucket Hat-ების მთელ კოლექციას ფლობს.
P.s იმედს ვიტოვებთ, რომ გუბაზიჩას საყვარელი ქუდის შემდეგ გუბაზას რჩეული „კენგოლის“ ჯერი არ მოვა.
არ გამოგრჩეთ
Weekend Max Mara-ს ახალი Signature კოლექცია ლუსი ჰეილისთან ერთად შეიქმნა
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
ZAG bijoux - მორიგი ფრანგული ბრენდი TI'ME-სგან
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.