ახალი Cruise კოლექციისთვის Chanel-ის კრეატიულმა ხელმძღვანელმა ვირჯინია ვიარდიმ მონტე კარლოს გლამურისა და ფორმულა 1-ის სამყაროს სპორტული სტილის ტანდემი შემოგვთავაზა.
ფრანგული მოდის სახლი მონტე-კარლოს სანაპიროს დაუბრუნდა და მდიდრულ სასტუმროში, მონაკოს ცენტრში 2022 წლის Cruise Show გამართა. ახალი კოლექციის ჩვენებას წინა რიგებიდან კრისტენ სტიუარტი, ტილდა სუინტონი და Bigbang's G-Dragon ესწრებოდნენ, ცნობილ ადამიანთა შორის იყვნენ მონაკოს პრინცესას გრეის კელის შთამომავლები - პრინცესა კაროლინა და მისი ქალიშვილი შარლოტა კაზიგარი.
ჩვენების ლოკაციად მონაკოს შერჩევა შემთხვევითი არ ყოფილა, თუ წამით მაინც დავუშვებთ იმ ფაქტს, რომ Chanel და მისი შემოქმედებითი ჯგუფი შემთხვევით რაიმეს აკეთებს. პარიზელი დიზაინერი კოკო შანელი ყურებამდე ყოფილა შეყვარებული ამ ქვეყანაზე და იქ ექსტრავაგანტურ ვილასაც ფლობდა. მოგვიანებით მონაკოს სიყვარული კარლ ლაგერფელდმაც გაიზიარა, ახლა კი ვირჯინია ვიარდის ჯერია ეს მხარე თავდავიწყებით შეიყვაროს.
„მონაკოსთან პირველ ყოვლისა გრძნობები მაკავშირებს, ის ხომ კარლია კაროლინაა, შარლოტაა. ყოველთვის ვიცოდი, რომ ჩვენებას აქ გავმართავდი, უფრო სწორედ კი Beach Hotel-ის წარვადგენდი კოლექციას, ეს ხომ კარლის ოცნება იყო. ამ შესანიშნავი ადგილიდან იდეალურად მოჩანდა მისი ვილა La Vigie. არასდროს დამავიწყდება აქ გატარებული დრო: ტერასები და აივნები, დიდი ქოლგები, ყვავილების კალათები - ამდენი სილამაზე“ - განაცხადა ვირჯინია ვიარდიმ.
თუკი ამ დრომდე, ვირჯინია ვიარდის ხელწერა ავტომატურად კარლ ლაგერფელდთან იყო ასოცირებული და ლეგენდარული დიზაინერის გარდაცვალების შემდეგ, მისმა საუკეთესო მოსწავლემ კარლის სტილი და გემოვნება რამდენიმე ჩვენებაში მიყოლებით გაიზიარა, ახალ ჩვენებაში ვირჯინია, როგორც Chanel-ის დიზაინერი ყველაზე დიდი დოზით ვიხილეთ. ჩვენ საშუალება მოგვეცა ბრენდის ახალი კრეატიული ხელმძღვანელის სამყაროში შეგვეხედა და თვალი მიგვედევნებინა, იმაზე თუ როგორ გარდაქმნის ის ლეგენდარულ მოდის სახლს.
Chanel-ის საკულტო პიჯაკების, სილუეტებისა და ბრენდის მონოგრამის პრინტთან ერთად, 2023 წლის Cruise Show-ში ვიხილეთ ტილოს ნაჭრის ორეულები და კომბინეზონები, ტვიდი, ფერად პრინტიანი კაბები, ნაქარგები და დიდი რაოდენობით სპორტული სტილი.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
