მონიკა ბელუჩისა და ვენსან კასელის უფროსი ქალიშვილი - დევა კასელი, Dolce & Gabbana-ს Alta Moda-ს საიუბილეო ჩვენებაზე ვიხილეთ. გასულ ღამეს, სირაკუზას საკათედრო ტაძრის განსაცვიფრებელ ფონზე გამართულ მაღალი მოდის დეფილეში მონაწილეობა დევამაც მიიღო.
Dolce & Gabbana-ს ჩვენების ლოკაციას დევასთვის განსაკუთრებული მნიშვნელობა ჰქონდა, გაშლილი ბუნებრივი თმით და ულამაზესი კაბით კასელმა იმ ადგილას გაიარა, სადაც ოდესღაც დედამისის, მონიკა ბელუჩის, ერთ-ერთი ყველაზე ცნობილი ფილმის Malèna-ს გადაღებები მიმდინარეობდა.
ახალგაზრდა მოდელმა მოდის სახლის გამჭვირვალე, თეთრი მაქმანებიანი კაბა მოირგო შავი კორსეტითა და ხელთათმანებით.
17 წლის დევა კასელი, მონიკა ბელუჩისა და ვენსან კასელის პირველი საერთო ქალიშვილია. თინეიჯერობის ასაკიდან მოყოლებული, მას შემდეგ, რაც დევა პირველად მოხვდა ფოტოგრაფის ობიექტივში, მან ზუსტად იცოდა რომ სამოდელო კარიერა მის მომავალს განსაზღვრავდა. ცნობილი ადამიანების შვილებისთვის კი პირველი ნაბიჯების გადადგმა სამოდელო სამყაროში რომ ბევრად მარტივია, ეს ყველას მოგვეხსენება. დევამაც მალე მიიღო სერიოზული შემოთავაზებები ცნობილი ბრენდებისგან, 2019 წელს გოგონა Dolce & Gabbana-ს სარეკლამო ვიდეორგოლშიც გადაიღეს, რასაც კიდევ რამდენიმე კამპანია, ახლა კი ჩვენებაზე გამოსვლა მოჰყვა.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
