TheDiary-ის რედაქცია იმ მოდის სახლებს წარმოგიდგენთ, რომლებიც წარმოებაში ეკოლოგიურად სუფთა მასალებს იყენებენ, აქვთ მდგრადი პრაქტიკა და მათთვის ბიზნესის საწყისი მორალია. გადამუშავებული ქსოვილებით შექმნილი მოდური სამოსი, ვეგანური ტყავის ქურთუკი, თუ ტრენდული აქსესუარი - არჩევანი ბაზარზე დღეს საკმაოდ დიდია. სამოსის ყიდვისას კი, მომხმარებლებს მეტი პასუხისმგებლობა გვმართებს, მაქსიმალურად ავარიდოთ თავი სწრაფი მოდის ნივთებს და არჩევანი ისეთ პროდუქტზე გავაკეთოთ, რომელიც ჩვენს ერთადერთ საცხოვრისს - დედამიწას საფრთხეს არ უქმნის.
ერთ წყვილს Veja-ს ნებისმიერი ფეშენისტას გარდერობში აუცილებლად აღმოაჩენთ. ტრენდული ბრენდის ფეხსაცმელი არამხოლოდ ძალიან მოდურია, არამედ ეკო-მეგობრულიცაა. ისეთი ინოვაციური მასალების გამოყენებით, როგორიცაა კაუჩუკი და გადამუშავებული პლასტმასის ბოთლები, Veja ხმამაღალ განაცხადს აკეთებს: ფეხსაცმელი შეიძლება იყოს ტრენდული და ამავდროულად ეკო-მეგობრული. მოკლედ, Adidas თუ Veja, დღეიდან ეს უკანასკნელი ჩემს shoping list-შია უდავოდ.
სტელა მაკარტნი დიდი ხანია ერთ-ერთი იმ ბრენდთაგანია, რომელიც ნამდვილად იმსახურებს “სამყაროზე მზრუნველის“ სტატუსს. ბრენდი პიონერია ვეგანური ტყავის და მდგრადი სამოსის წარმოებაში. როგორც ვხედავთ, მაღალ მოდას შეუძლია ეთიკურ პრინციპებს შეესაბამებოდეს. მაკარტნის ერთგულება ცხოველთა კეთილდღეობისა და ეკო ცნობიერებისადმი, მოდის სამოსის წარმოებაში მაღალ სტანდარტს აყალიბებს.
მოდის გიგანტურ ინდუსტრიაში ყველაზე მთავარი მომხმარებლის ინფორმირებულობაა. მომხმარებელმა თავად უნდა გადაწყვიტოს, სურს ჩაიცვას პოლიესტერი, თუ გადამუშავებული ბამბის სამოსი. სწორედ ეს არის ანგელოზთა ქალაქში (LA-ში) შექმნილი ბრენდის კონცეფცია. Reformation მომხმარებელს თითოეული პროდუქტის გარემოზე ზემოქმედების შესახებ აწვდის დეტალურ ინფორმაციას და ეხმარება მას ინფორმირებული, გააზრებული გადაწყვეტილებების მიღებაში.
Reformation-ის ისტორია კი 2009 წელს, ლოს-ანჯელესში ვინტაჟური ტანსაცმლის გაყიდვით დაიწყო. კომპანია სწრაფად განვითარდა და საკუთარი ნივთების წარმოებაც დაიწყო, თუმცა არა ეკო-მეგობრულობის გვერდით ავლით. მდგრადობა და გარემოზე ზრუნვა ბრენდის მთავარი ხაზია.
Eileen Fisher ნიუ-იორკული ბრენდია, რომლის ფილოსოფიაც ეკო-მეგობრულობას ემყარება. მოდის სახლი ორგანულ და მდგრად მასალებს იყენებს და რაც მთავარია, სამართლიან შრომით პრაქტიკას უჭერს მხარს. გამომძიებელი ჟურნალისტები საზოგადოებას ხშირად გვაწვდიან ინფორმაციას მასიური წარმოების ბრენდების მხრიდან სამუშაო უფლებების დარღვევის და დაქირავებულების მიმართ არაეთიკური დამოკიდებულების შესახებ. ეს მოდის ინდუსტრიის ასევე ერთ-ერთ დიდ გამოწვევას წარმოადგენს. საინტერესოა რომ Eileen Fisher-ს აქვს „დაბრუნების პროგრამა“. პროგრამის ფარგლებში მომხმარებელს შეუძლია ნახმარი სამოსი დააბრუნოს, რასაც შემდგომ წარმოება გადაამუშავებს და შექმნის ახალ სამოსს.
Amour Vert-ის სამოსი კარგი მაგალითია იმისა, რომ მდგრადი მოდა ესთეტიკას მოკლებული არაა. ბრენდი, რომელიც 13 წლის წინ კალიფორნიაში შეიქმნა, წარმოებაში ორგანულ ბამბასა და სხვა ეკოლოგიურად სუფთა მასალას იყენებს. Amour Vert-ის ინიციატივა „იყიდე მაისური, დარგე ხე“, მისაბაძია. კომპანია თითო გაყიდული ბამბის მაისურიდან $1-ს ხის დარგვის ინიციატივაში ხარჯავს.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
ინსპირაციისთვის ICR-ის კატალოგი დავათვალიერეთ და SCARPIERA-ს კოლექციაზე შევჩერდით, რომელიც ქალისა და მამაკაცის მამაკაცის უმაღლესი ხარისხის ფეხსაცმელსა და აქსესუარს გვთავაზობთ.
