ELIE SAAB-მა 2024 წლის გაზაფხული/ზაფხულის კოლექცია, სახელწოდებით "მთვარის ჩრდილი", Palais de Tokyo-ში სავსე მთვარეობისას წარადგინა. ელეგანტური, ქარიზმატული და მთვარის ჩრდილის მატარებელი ELIE SAAB-ის ქალი თამამად მიჰყვება ღამის ნათებას. მან კარგად იცის, რომ ზურგს მთვარის შუქი და ხმელთაშუა ზღვის ესთეტიკა უმაგრებს.
ლაჟვარდოვანი ფერებით, მბზინავი დეტალებითა და თავისუფალი სილუეტებით, ELIE SAAB-მა პარიზის მოდის კვირეულზე გამოანათა. მიუხედავად იმისა, რომ ბრენდი ყოველთვის მდიდრული ღამის წვეულებების ესთეტიკასთან და გლამურთან ასოცირდება, ამჯერად მოდის სახლმა ფართო მასებზე გათვლილი, smart-casual სტილის სამოსთან ნაზავი წარმოადგინა.
ქამრიანი კომბინეზონებით დაწყებული, polka dot ორეულებით დამთავრებული, ELIE SAAB თითქოს უმნიშვნელოდ, თუმცა შესამჩნევად ცვლის კურსს და მას ამერიკისა და დიდი ბრიტანეთისკენ მიმართავს. ფაქტია, რომ ბრენდს სჭირდება იყოს უფრო მრავალფეროვანი და ამაში უჩვეულო არაფერია.
ELIE SAAB-ის ქალი ყოველთვის მზად არის ღამის შუქზე შეკრებისთვის, მაგრამ ის არც დღის შუქზე გამოჩენას ერიდება.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
ინსპირაციისთვის ICR-ის კატალოგი დავათვალიერეთ და SCARPIERA-ს კოლექციაზე შევჩერდით, რომელიც ქალისა და მამაკაცის მამაკაცის უმაღლესი ხარისხის ფეხსაცმელსა და აქსესუარს გვთავაზობთ.