Balenciaga-ს რიგით 51-ე Couture ჩვენება დემნა გვასალიამ გუშინ, მოდის სახლის განახლებულ ატელიეში, პარიზის მაღალი მოდის კვირეულის ფარგლებში მოაწყო. ლეგენდარული ქართველის ახალ დიზაინებზე, ვარსკვლავურ პოდიუმსა თუ კუტიურ სილუეტებზე საკმაოდ ბევრი დაიწერა, თუმცა ის, რაც ყველას გამოგვრჩა, დემნას წერილი იყო, რომლითაც გუშინდელი ჩვენება გაიხსნა. ფრანგულიდან ტექსტის თარგმნა ქართველმა ჟურნალისტმა ანანო ბაკურაძემ აიღო საკუთარ თავზე და მან მართლაც ულამაზესი სიტყვები გაგვიზიარა.
ანანო ბაკურაძე: არ ვიცი აქამდე რატომ არავინ თარგმნა, მაგრამ ამ სიტყვებით გახსნა დემნამ ბალენსიაგას შოუ... ხოდა მე გითარგმნეთ, იმიტომ რომ ამ უსიყვარულო სამყაროში, საკმაოდ ამაღელვებლად მომეჩვენა
„მიყვარხარ. მიყვარხარ 30 წელია. გელოდები მას შემდეგ, რაც 10 წელი შემისრულდა.
ვფიქრობდი ვინ ხარ ჩემთვის? რა გინდა? ვხუჭავდი თვალებს და შენზე ვფიქრობდი. მიყვარხარ. მიყვარხარ ძალიან დიდი ხანია. შეიძლება სულ მიყვარდი. მიყვარხარ მთელი ჩემი არსებით. შენ იქ იყავი, როდესაც დედაჩემი აუთოვებდა. შენ იქ იყავი, როდესაც ჩემი დარდები მჯობნიდა. არ მყოფნიდა გამბედაობა, რომ შენთვის ეს მეთქვა. არ მქონდა სიტყვები, რომ არ მომეტყუებინა. არასდროს ვიცოდი, როგორ აღმეწერა ეს სიყვარულის ამბავი, რომელიც შენთან მაკავშირებდა. ამბავი შემთვხვევითობის გარეშე. ამბავი დროის მიღმა. სიყვარული პირობების გარეშე. ეს იმედის იმიჯები. უკვე 30 წელია მიყვარხარ. მიყვარდი გუშინაც, მეყვარები ხვალაც. ყოველთვის მეყვარები“ - დემნა გვასალია.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.