რა გვახსენდება პირველი ზაფხულის ხსენებისას? - რა თქმა უნდა, მზე, ზღვა და ბევრი, ძალიან ბევრი გართობა. წლის ყველაზე ცხელი სეზონის დადგომისთანავე, ხანგრძლივი, 2-წლიანი პაუზის შემდეგ, H&M-მა თბილისის ზღვის იახტ კლუბ La Cote-ში გრანდიოზულ წვეულებას უმასპინძლა. 4 ივნისს, La Cote-ში თავი ქართველმა ინფლუენსერებმა, ცნობილმა სახეებმა და ბრენდის ერთგულმა მეგობრებმა მოიყარეს, მათ შესაძლებლობა მიეცათ H&M-ის საცურაო კოსტიუმების უახლესი კოლექცია დაეთვალიერებინათ და დრო სასიამოვნოდ გაეტარებინათ.
H&M-ის 2022 წლის კოლექცია დამზადებულია მდგრადი მასალებისგან, საცურაო კოსტიუმების შემადგენლობაში აღმოაჩენთ გადამუშავებულ პოლიესტერს, გადამუშავებულ პოლიამიდსა და გადამუშავებულ ელასტინს. ბოლო რამდენიმე წელია, H&M-ს აქტიურად ვხედავთ მდგრადი მოდის სადარაჯოზე მდგარს, ბრენდმა მიზნად 2030 წლისთვის 100% მდგრადი და გადამუშავებული მასალებისგან შექმნილი კოლექციების გამოშვება დაისახა და ამ მიზნისკენ ყოველწლიურად თავდაჯერებულად მიიწევს.
„H&M-ის საცურაო კოსტიუმების უახლესი კოლექცია მკვეთრ ფერებსა და განსხვავებული სტილის მოდელებს აერთიანებს, რომელთა მორგებაც ინდივიდუალური გემოვნების შესაბამისად არის შესაძლებელი. კოლექციაში მკვეთრი იასამნისფერი, მწვანე და თეთრი ფერი ერთიანდება შოკოლადისფერ ყავისფერთან. ასევე, გამოვიყენეთ უფრო მდგრადი მასალები, როგორებიცაა, გადამუშავებული პოლიესტერი, გადამუშავებული პოლიამიდი და გადამუშავებული ელასტინი“ - განაცხადა კარინ ვიკლუნდ ჰეინიგმა, H&M-ის დიზაინერმა.
ახალი კოლექციის პრეზენტაციას ესწრებოდნენ სალომე ღვინიაშვილი, ეკო ფანგანი, მანიკა ასათიანი, ქეთევან ხატიაშვილი, მარიამ სანოგო და სხვები. H&M-მა სტუმრებს სიურპრიზი მოუწყო და კოლექციის პრეზენტაციის გარდა, სტუმრებს მიეცათ საშუალება მთელი დღე გაეტარებინათ იახტ კლუბში, მიეღოთ რუჯი, გაესეირნათ იახტით და დასწრებოდნენ იოგას გაკვეთილს.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
