მაისი კანის კიბოს შესახებ ცნობიერების ამაღლების თვეა, მიუხედავად იმისა, რომ სწორედ კანის კიბო ითვლება ყველაზე გავრცელებულ ვერაგ დაავადებაად, ის იმავდროულად ერთ-ერთი ყველაზე პრევენციული კიბოა. ამ თვის განმავლობაში, მზის ზემოქმედების საშიშროების შესახებ ცოდნის გაზიარებით და ცნობიერების ამაღლებით ადამიანთა სიცოცხლის გადარჩენა რეალურად არის შესაძლებელი.
კანის კიბოს ყველაზე ეფექტურ პრევენციულ საშუალებად მზისგან დამცავის ყოველდღიური გამოყენებაა მიჩნეული. SPF-ის ყოველდღიურ რუტინაში ჩასმის აუცილებლობაზე შესაძლოა სოციალური ქსელებიდან თუ ეკრანებიდან აქამდეც არაერთხელ გსმენიათ, თუმცა გვინდა დაგარწმუნოთ, რომ ეს სულაც არ არის ცარიელი სიტყვები, მზისგან დამცავის ეფექტი კანის კიბოს პრევენციის დროს რეალურია.
მაინც რა ხდის მზისგან დამცავ საცხებს ასეთ მნიშვნელოვანს? - დღეს სწორედ ამ კითხვაზე გაგცემთ პასუხს.
1. გვიცავს UVA & UVB მავნე გამოსხივებისგან
როდესაც მზისგან დამცავი საცხის შერჩევას დაიწყებთ, აუცილებლად აღმოჩნდებით ფართო ასორტიმენტის, სხვადასხვა SPF სპექტრისა და მახასიათებლის წინაშე. მზისგან დამცავები UVA & UVB დაცვითაც განსხვავდება, თუმცა საბედნიეროდ არსებობს საცხები, რომელთა შემადგენლობაშიც ორივე დაცვის სისტემა ერთადაა თავმოყრილი, ამრიგად კი თქვენი სახის კანი ერთდროულად მზის მავნე გამოსხივებისგან, ნაადრევი დაბერებისგან და კანის კიბოსგან იქნება დაცული.
La Roche-Posay Anthelios 50 Mineral Ultra Light Sunscreen
2. ანელებს დაბერების პროცესს
დაბერების პროცესის შენელება ის გამორჩეული მახასიათებელია, რომელიც SPF საცხებს ასეთ მნიშვნელოვანს და გამორჩეულს ხდით. ფოტოდაბერების პროცესს, რომელსაც ადამიანი ასაკის მატებასთან ერთად გადის, მზის მავნე სხივები ერთი ორად აჩქარებენ. როდესაც 10, 15 თუ 20 წლის შემდეგ, ჩვენი კანის ზედაპირზე კანის სიღრმეში ფორმირებული მუქი ლაქები დაიწყებენ გამოჩენას ეს იმის მანიშნებელი იქნება, რომ SPF-ის წასმა იმ პერიოდში, როდესაც ეს ყველაზე მეტად გვჭირდებოდა - გვეზარებოდა.
CeraVe Hydrating Sunscreen Sheer Tint
3. მეტი დაცვა ვიდრე დამატენიანებლებსა და ტონალურებში
დღის დამატენიანებელი საცხები და ტონალურები SPF დაცვით სილამაზის ინდუსტრიაშიც ამ დრომდე ხშირად შეგვხვედრია, ადამიანი შეიძლება დააკმაყოფილოს იმ ფაქტმა, რომ მისი ყოველდღიური დამატენიანებელი თუ ტონალური უკვე შეიცავს მზის მავნე სხივებისგან დამცავ ფაქტორს, მაგრამ საქმე ის გახლავთ, რომ მსგავს პროდუქტებში SPF-ის როლი და ეფექტიანობა იმაზე დაბალია, ვიდრე წარმოგედგინათ, ამიტომ გაითვალისწინეთ, რომ უშუალოდ მზისგან დამცავს, რომელიც თქვენი დილის რიტუალის ბოლო საფეხური უნდა იყოს, ვერც ერთი შემცვლელი ვერ ჩაგინაცვლებთ.
Supergoop Glowscreen SPF 40
4. გამდიდრებულია ანტიოქსიდანტებით
მზისგან დამცავი საცხების უმრავლესობა გამდიდრებულია ანტიოქსიდანტებით და დამატენიანებელი ინგრედიენტებით, რომლებიც ჩვენი სახის კანის დაცვასთან ერთად მის სიჯანსაღეზეც აგებენ პასუხს. ანტიოქსიდანტების დამსახურებით, რომლებიც ჩვენი SPF-ის შემადგენლობაში შედიან, სახის კანი გარემო დაბინძურებისგანაც არის დაცული, რომელსაც ყოველი ფეხის ნაბიჯზე ვაწყდებით.
EltaMD UV Pure Broad-Spectrum SPF 47
5. მაშინაც კი იცავს კანს, როდესაც მჟავებს მოიხმართ
და ბოლოს, თუ კი AHA-სა და BHA-ს თუ რეტინოლის მომხმარებელი ბრძანდებით, მზისგან დამცავი საცხი ის აუცილებელი კომპონენტია, რომელსაც თქვენი კანის დაცვა უნდა მიანდოთ. AHA და BHA მჟავების დამსახურებით სახის კანი მკვდარი უჯრედებისგან თავისუფლდება და შეიძლება ითქვას, რომ მზის მავნე სხივების პირისპირ დაუცველი რჩება. რაც შეეხება რეტინოლს, მისი გამოყენება თითქმის დროის, ენერგიისა და სახსრების უაზრო ხარჯვა გამოდის, თუ კი დღის განმავლობაში მზისგან დამცავს არ მოიხმართ.
SkinCeuticals Light Moisture UV Defense SPF 50
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
ინსპირაციისთვის ICR-ის კატალოგი დავათვალიერეთ და SCARPIERA-ს კოლექციაზე შევჩერდით, რომელიც ქალისა და მამაკაცის მამაკაცის უმაღლესი ხარისხის ფეხსაცმელსა და აქსესუარს გვთავაზობთ.
