ოდრი ჰეპბერნის სტილმა დროს გაუძლო. მსახიობი, რომელიც დიდი ხანია ცოცხალი აღარ არის, მაინც რჩება სტილის დედოფლად და მას დღესაც მილიონობით გოგონა ბაძავს.
ბალერინები
„ბალერინა“ ფეხსაცმელი უშუალოდ ოდრი ჰეპბერნის იმიჯთან ასოცირდება. ის, ამ ფეხსაცმელს, როგორც კლასიკურ შარვალებთან, ასევე ჯინსებთან და ქვედაბოლოებთან იხდენდა. მსახიობი ბალერინობაზე ოცნებობდა, ალბათ სწორედ ამიტომ, მის გარდერობში უამრავი ბალერინა ფეხსაცმელი იყო, რომელიც 2017 წელს, „კრისტის“ აუქციონზე, ოდნი ჰეპბერნის სხვა პირად ნივთებთან ერთად გაიყიდა.
ბაფთები
მრავალფეროვანი ბაფთები, ლენტები და თმის აქსესუარები კვლავ მოდაშია, რომელიც ისეთმა დიზაინერებმა, როგორიცაა Prada, Fendi და Simone Rocha მოდის ჩვენებებზე ისევ დააბრუნეს. თმის აქსესუარები ოდრი ჰეპბერნს განსაკუთრებით უყვარდა და ხშირად იმკობდა თავს ხან უბრალო ლენტებით, ხან კი მდიდრული დიადემებით.
მამაკაცის პერანგი
მიუხედავად იმისა, რომ ოდრი ჰეპბერნი ქალურობისა და ელეგანტურობის მაგალითია, მას არაფემინური სამოსიც არანაკლებ უყვარდა. ყველას გვახსოვს სცენა ფილმიდან Breakfast at Tiffany's, სადაც მსახიობს მამაკაცის თეთრი პერანგი აცვია, აღიარეთ, რომ ამ კინო-კადრის ნახვის შემდეგ, თქვენც მოგირგიათ მამის, ძმის ან საყვარელი ადამიანის პერანგი. სხვათაშორის, Mommy jeans-სთან და „ბალერინა“ ან ქუსლიან კლასიკურ ფეხსაცმელთან თუ მოირგებთ უფორმო, დიდი ზომის თეთრ პერანგს, მერწმუნეთ, ამ დღეს ყველაზე გემოვნებიანთა სიაში ავტომატურად მოხვდებით!
ყელიანი სვიტერი
შავი, თეთი, კრემისფერი - ეს ის სამი აუცილებელი ფერია, რომელიც გარდერობში ამ სეზოზნე აუცილებლად უნდა გქონდეთ. მოირგეთ ყელზე დიდი ზომის ოქროსფერი ან ვერცხლისფერი ჯაჭვი, ამოიცვით კლასიკური ჯინსები და 2021 წლის ზამთრის ყველაზე მოდური გოგო იქნებით.
პატარა შავი კაბა
იცოდით, თუ არა, რომ ფილმის „საუზმე ტიფანიში“ მთავარი როლის შემსრულებლად მერლინ მონრო მოიაზრებოდა და არა ოდრი ჰეპბერნი? სცენარისტი ტრუმენ კაპოტე თავის იდეალურ გმირად სწორედ ჰოლივუდის ამ ქერათმიან ვარსკვლავს ხედავდა. თუმცა სიტუაცია სხვაგვარად წარიმართა და მსოფლიომ ჰოლი გოლითლი ჰეპბერნის სახით შეიყვარა. ამ ფილმში ოდრისთან ერთად ერთ-ერთ მთავარ როლს იუბერ დე ჟივანშის მიერ შექმნილი შავი კაბა თამაშობს, რომელიც ამ ფილმის შემდეგ ნამდვილ ლეგენდად იქცა და დღეს ყველა მოდური გოგოს გარდერობში აუცილებელ და ყველაზე მნიშვნელოვან ადგილს იკავებს.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
