როზი ჰანთინგტონის მყუდრო სახლი ქაოტურ ლონდონში
ბრიტანელმა მოდელმა ლონდონში პირადი სამოთხე მოიწყო, სადაც თანამედროვე ელემენტები ვინტაჟურ, კლასიკურ დიზაინთან ჰარმონიაში ელეგანტურ გარემოს ქმნის.
ბებიაჩემი, ან ბებიათქვენი ვერასდროს წარმოგედგინა, რომ ერთ დღესაც საღამურით ქუჩაში სიარული არა თუ ნებადართული, არამედ მოდური იქნებოდა! ჯერ იყო და გასული საუკუნის მოდას მოსწრებულებთან აბრეშუმის პერანგების “ლეგალიზაცია” მოგვიწია, ახლა კი ე.წ. პიჟამის ჯერია, რომელიც ქუჩებში პანდემიის დაწყებამდე სულ ცოტა ხნით ადრე გამოჩნდა.
დიახ, ერთი ქსოვილის ორეულები, რომლებიც ძალიან ჰგავს ღამის სამოსს, მაღაზიებში ყოველდღიური სამოსის განყოფილებაში იყიდება. მეტიც, სხვადასხვა ფერის, თუ ფაქტურის პიჟამებში გამოწყობილებს ღონისძიებაზე წასვლაც თამამად შეგვიძლია (უფრო სწორედ, შეგვეძლებოდა, რომ არა პანდემია).
მანამ, სანამ მას ბრენდების მაღაზიებს დაივლით და თქვენთვის სასურველი სტილის პიჟამას შეარჩევთ, რამდენიმე წესი უნდა გაგაცნოთ, რაც ზემოხსენებული ტრენდის მორგებაში გამოგადგებათ.
1. არასდროს იყიდოთ სხეულზე მომდგარი ორეული. პიჟამის მთავარი ხიბლი მისი oversize სტილია. მორგებისას დააკვირდით ზედატანის მხრებს და შარვლის წელის ზომას.
2. არასდროს! არასდროს ჩაიცვათ “საგარეო” პიჟამის შარვალი სპორტულ მაისურთან ერთად! პირდაპირ გეტყვით, რომ თქვენი ადგილი საწოლშია!
3. ნებადართულია (ტრენდულიც) პიჟამის ტიპის ზედის ტარება ჯინსის შარვალთან, მოკლე შარვალთან, თუ ქვედაბოლოსთან ერთად.
4. არ მოგერიდოთ პიჟამის Look-თვის მაღალ ქუსლიანი ფეხსაცმლის შეხამება!
5. პიჟამას საოცრად უხდება დაბალ ძირიანი, ღია ფეხსაცმელი.
6. ერთ-ერთი ყველაზე დიდი შეცდომა პიჟამის ორეულზე მოსაცმელი შემოცმაა!