რიკარდო ბოფილი ცნობილი ესპანელი არქიტექტორია, რომელმაც ახალი სამშენებლო ტექნიკა დანერგა და შეძლო, რომ შეექმნა არაჩვეულებრივი სინთეზი კლასიკურსა და თანამედროვე არქიტექტურას შორის. იგი შთაგონებული გახლდათ ლუი XIV-ის ექსტრავაგანტური ეპოქის ბრწყინვალებითა და სიკაშკაშით.
1960-იან წლებში რიკარდო ცნობილი ხდება განსხვავებული არქიტექტურული მიდგომით, რომელმაც არქიტექტურის სფეროში რადიკალური ცვლილებები შეიტანა. რაც ყველაზე მთავარია, რიკარდოს საქმიანობა პოლიტიკურ და სოციალურ საკითხებსაც ეხებოდა. დღესდღეობით, რიკარდოს სახელი ასოცირდება პოსტმოდერნისტულ მოძრაობასთან, რაც სრულიად უპირისპირდება მოდერნისტულ წესებს და ეს მოძრაობა იწყებს ახალი ფორმებისა თუ სტუქტურების გამოძერწვას იმდროინდელ არქიტექტურაში.
ლოგიკურიც არის რიკარდოს მიერ ამ სტილის არჩევა და განვითარება, რადგან ხელოვანის ბუნება ყოველთვის შეგვიძლია დავაკავშიროთ მათ შემოქმედებასთან. რიკარდოს ბიოგრაფიას თუ გადავხედავთ და გავითვალისწინებთ იმ ფაქტს, რომ იგი ბარსელონაში მდებარე ერთ-ერთი უნივერსიტეტიდან გამოძევებული იქნა მისი მემარცხენეული შეხედულების გამო, რომელიც ეწინააღმდეგებოდა რეჟიმის პირობებშიი ცხოვრებას, გასაკვირიც აღარ იქნება ის ფაქტი რომ მან თავისი შემოქმედებაც დაუპირისპირა იმდროს გამეფებულ მოდერნიზმს და წამოიწყო საპირისპირო და რადიკალური პროექტები, რომელიც პოსტმოდერნიზმის ჭრილში გამოიხატა.
ბარსელონადან წამოსული რიკარდო სწავლას შვეიცარიაში ასრულებს და 1963 წელს, 23 წლის ასაკში აარსებს Ricardo Bofill Taller de Arquitectura-ს. სტუდია დაფუძნებული გახლდათ თანამშრომლობაზე და ეს იყო სივრცე სადაც არქიტექტორები, ინჟინრები, მწერლები და სოციოლოგები ქმნიდნენ ექსპერიმენტულ დიზაინებს.
მათი მიზანი მხოლოდ არქიტექტურული შედევრების შექმნა არ გახლდათ, მათ ასევე სურდათ, რომ მოეგვარებინათ ურბანული დაგეგმარების პრობლემები, რომლებიც ადგილობრივ დონეზე ჩნდებოდა ესპანეთის პოლიტიკურ და სოციალურ სისტემებში. რიკარდო ბოფილის არქიტექტურა, შეიძლება შევადაროთ პეიზაჟებს. თავად არქიტექტურის სილამაზე და ფორმათა არაორდინალურობა საშუალებას გვაძლევს რომ აღვიქვათ ,,შენობა’’ არა როგორც ცალკე მდგომი არქიტექტურული ნამუშევარი არამედ, როგორც პეიზაჟის ნაწილი, რომელშიც მისი თითოეული ფორმა და ფერი იღვრება.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.