მარკეტერი საკო წოწორია, რომელმაც მოდის სამყაროს 27 წლის ასაკში, part-time job-ის სახით დაუბრუნდა, რათა ბარსელონაში სწავლის პარალელურად შემოსავალი ჰქონოდა, ალბათ, ვერ წარმოიდგენდა, რომ დიდხნიანი პაუზის შემდეგ დიდი წარმატება ელოდა, ისეთი, როგორიც ბრენდ Lancôme-ის Advanced Génifique Face Serum-ის სარეკლამო კამპანიაში მონაწილეობის მიღებაა, პროდუქტის, რომლის ამბასადორებიც თავად პენელოპე კრუსი და ამანდა სეიფრიდი არიან.
როგორ დაიწყო ლეგენდარულ Lancôme-თან თანამშრომლობა, რამდენად საინტერესო იყო ბრენდთან ურთიერთობა თუ გადაღების პროცესი და იგეგმება თუ არა სამომავლო თანამშრომლობა ბრენდთან, ამ კითხვებზე პასუხის მისაღებად საკოს დავუკავშირდით:
საკო: „საზღვარგარეთ ორ სამოდელო სააგენტოსთან ვთანამშრომლობ, ესენია ესპანური @trafficmodels და ფრანგული @metropolitanmodelsgroup, სწორედ ამ უკანასკნელის (@metropolitanmodelsgroup) დახმარებით ამარჩიეს Lancôme Advanced Génifique Face Serum-ის ახალი სარეკლამო კამპანიისთვის, რომლის გადაღებები 3 დღე გაგრძელდა ერთი კვირის განმავლობაში.
კამპანია ნამდვილად გამორჩეული გახლდათ, რადგან ბრენდის წარმომადგენლებს სურდათ მიეღოთ რეალური შედეგები თუ როგორ მოქმედებს შრატი სახის კანზე, გამომდინარე აქედან, პირველი დღის გადაღებები მთლიანად ჩვენი ბუნებრივი სახის კანს დაეთმო, თავიდანვე გაგვაფრთხილეს, რომ გადასაღებ მოედანზე სახის დამატენიანებელი საცხის გარეშე უნდა მივსულიყავით, ჩაგვიტარეს სახის სკანირების პროცედურა და გამოგვატანეს შრატი იმ პირობით, რომ მას ყოველდღე გამოვიყენებდით.
გადასაღებ მოედანზე სხვადასხვა ასაკისა და ეთნიკური წარმომავლობის მოდელები ჰყავდათ შერჩეული, მე კავკასიურ ოჯახს წარმოვადგენდი
მომდევნო გადაღება მესამე დღეს მოეწყო, საბოლოო კი მეშვიდე დღეს, სწორედ მესამე გადაღების წყალობით უნდა მიეღოთ რეალური შედეგები Advanced Génifique Face Serum-ის ზემოქმედებაზე. Lancôme-თან თანამშრომლობა იყო ერთჯერადი, ამიტომ ზუსტად ვერ ვიტყვი შედგება თუ არა ბრენდთან სამომავლოდ კიდევ ურთიერთობა, სხვა სილამაზის ბრენდებისგან არის შემოთავაზებები, თუმცა დადასტურებულად ჯერ ვერაფერს ვიტყვი“.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
ინსპირაციისთვის ICR-ის კატალოგი დავათვალიერეთ და SCARPIERA-ს კოლექციაზე შევჩერდით, რომელიც ქალისა და მამაკაცის მამაკაცის უმაღლესი ხარისხის ფეხსაცმელსა და აქსესუარს გვთავაზობთ.
