ირაკლი პაპასკუა იმ ექიმების სიას განეკუთვნება, რომელსაც საკუთარ სილამაზეს თვალდახუჭული ენდობი. სამედიცინო მეცნიერებათა დოქტორი, ასოცირებული პროფესორი, ონკოკომამოლოგი, ქირურგი-ფლებოლოგი და კოსმეტოლოგი, საკმაოდ დიდი და შთამბეჭდავი ჩამონათვალია, არა?! ირაკლი პაპასკუას სამუშაო სტაჟი 23 წელზე მეტს ითვლის. The Diary-ის სილამაზის ექსპერტები ირაკლი ექიმს ყველა ქალისთვის საინტერესო კითხვებისთვის პასუხის გასაცემად დაუკავშირდნენ.
ირაკლი, რომელი პროცედურებია ყველაზე პოპულარული ქალებში?
თანამედროვე ესთეტიკური მედიცინის ერთ-ერთი ყველაზე პოპულარული და მოთხოვნადი მიმართულება ინექციური კოსმეტოლოგიაა. მისი მთავარი მიღწევა კი ქირურგიული მეთოდების არაინვაზიური ალტერნატივის შექმნაა. პროცედურის პოპულარობა განისაზღვრება პრობლემიდან გამომდინარე, ზოგს ნაოჭების „გაქრობა“ სურს, ზოგს კი ცხვირის ფორმის შეცვლა და ა.შ., ინდივიდუალურია და ქალის სურვილებზეა დამოკიდებული.
თქვენ რომელ პროცედურას ურჩევთ ქალებს, ის პროცედურა, რომელიც ყველასთვის რეკომენდირებულია?
რა თქმა უნდა ბიორევიტალიზაცია - ეს არის ეფექტური, უსაფრთხო და უმტკივნეულო პროცედურა, რომელიც აჯანსაღებს სახის კანს და უბრუნებს მას ახალგაზრდულ ელფერს. ბიორევიტალიზაცია საშუალებას გვაძლევს „წავშალოთ" დაბერების ნიშნები, ამ დროს ხდება მიმიკური ნაოჭების შემცირება და სახის კანი ხდება ერთგვაროვანი. სხვათა შორის, ეს პროცედურა მამაკაცებშიც საკმაოდ პოპულარულია. რაც შეეხება ბოტულინის ინექციებს, ამ პროცედურას ვურჩევ იმ ქალბატონებს, ვისაც მიმიკური ნაოჭები „ნერვებს უშლის“.
თქვენ ახსენეთ, რომ ქირურგიული მეთოდების არაინვაზიური ალტერნატივით შეიძლება ჩანაცვლება
თანამედროვე პლასტიკურ ქირურგიაში შეიქმნა ცხვირის კორექციის ახალი მეთოდი, რომელსაც „უსისხლო რინოპლასტიკა“ ეწოდება. ცხვირის ფორმის შეცვლა ჰიალურონის მჟავის შემცველი პრეპარატის მეშვეობით ხდება. პროცედურა გრძელდება 30-40 წუთი და ცხვირის ბუნებრივი ფორმის შეცვლა სრულიად უმტკივნეულოდ და უხეში ქირურგიული ჩარევების გარეშე ხდება. პროცედურა, რომლის წყალობითაც თითქმის ყველა სახის ე.წ. „ნაკლოვანებების“ გამოსწორებაა შესაძლებელი, არ მოითხოვს სარეაბილიტაციო პერიოდს. რა თქმა უნდა, არსებობს შემთხვევები, როდესაც არაინვაზიური მეთოდი არ გვშველის და მხოლოდ ქირურგიული ჩარევაა რეკომენდირებული, თუმცა ძირითად შემთხვევებში უსისხლო რინოპლასტიკა იდეალურად უმკლავდება ვიზუალურ „დისკომფორტებს“.
სახის კანის მოვლა ნებისმიერ ასაკში შეგვიძლია დავიწყოთ, მთავარია ძალიან არ დავაგვიანოთ. სახის კანის წმენდა და მსუბუქი პილინგი 19-20 წლიდან შეგვიძლია უკვე, ხოლო სხვადასხვა ინექციური პროცედურები 25 წლიდან, რა თქმა უნდა თუ ამის საჭიროება დგას, ყველაფერი დამოკიდებულია კანის ტიპზე და სურვილზე.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.