სამყაროში ძალიან ცოტა რამ არსებობს ისეთივე ველური და გიჟური, როგორიც Studio 54-ის საახალწლო წვეულებები იყო. მიუხედავად იმისა, რომ ნიუ-იორკის ჰედონური სამოთხე 3 წელიწადზე ნაკლები დროით იყო გახსნილი, მან მაინც შეძლო და 70-იანი წლებიდან მოყოლებული, მოდასა და კულტურას შთაგონების ნაპერწკალს ყოველთვის უღვივებდა.
ნიუ-იორკის მკვიდრები, ცნობილი მოდელები, მომღერლები, მსახიობები და დიზაინერებიც კი, Studio 54-ის გიჟური საღამოს განუყოფელი ნაწილი იყო. იმის წარმოდგენა, თუ როგორ აღინიშნებოდა Studio 54-ში ყველაზე დიდი დღესასწაულები, მათ შორის ახალი წელი, მხოლოდ ფოტო არქივებიდან შეგვიძლია.
დიახ, Studio 54-ში ახალ წელს ნამდვილად აღნიშნავდნენ, თუმცა ღამის კლუბში დატრიალებული მოვლენები, შორს იყო დღესასწაულის ტრადიციული აღნიშვნის ჩვეულებებისგან და ამაში ვინტაჟური ფოტოების ხილვისას თავადვე დარწმუნებით. მანამ კი გეტყვით, რომ Studio 54, 1977 წელს, ახალგაზრდა ანტრეპრენერების - სტივ რუბელისა და იან შრაგერის მიერ დაარსდა. რამდენიმე თვეში კლუბმა წარმოუდგენელ წარმატებას მიაღწია, დაწესებულების ცნობადობა იზრდებოდა. ჭორებისა და მითქმა-მოთქმის ფონზე Studio 54-ის აღსასრულიც მალევე დადგა, როდესაც კლუბში FBI და IRS შეიჭრა და დაარბია იგი.
Studio 54-ის ღამის კლუბის არსებობის ისტორია, იმ დღიდან სულ რაღაც 2 თვეში, 1980 წლის თებერვალში უკანასკნელი წვეულებით სრულდება. ღამის კლუბში მხოლოდ 2-ჯერ აღინიშნა ახალი წელი, თუმცა მისი მასშტაბებისა და იმ სახელების გათვალისწინებით, რომლებმაც ღამის კლუბს საკულტო დაწესებულების სტატუსი მიანიჭეს, Studio 54-ს არსებობა არც არასდროს შეუწყვეტია. ის მარადიული შთაგონების წყაროდ იქცა იმისა, თუ როგორ უნდა აღინიშნოს ყველაზე დიდებული წვეულებები.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.