2024 წლის ზაფხული ფემინური კაბების, მოკლე შორტების და მაქსიმალურად საზაფხულო სამოსის დროა. TheDiary-ს რედაქცია ამ ზაფხულის TOP 5 ტრენდს წარმოგიდგენთ, რომლის ანალოგებს ონლაინ თუ ადგილობრივად, მაღაზიებში აუცილებლად იპოვით.
White ON
თანახმა ხართ უთხრათ თეთრ ფერს "თანახმა ვარ"? მაშინ თქვენთვის სასიხარულო ამბავი გვაქვს - თეთრი ფერის ყველა ვარიაცია ტრენდულია ამ სეზონზე. თეთრი შარვლიდან დაწყებული, მაქმანებიანი კაბით დასრულებული.
Join Polo Club
პოლოს მაისურები ისევ გატრენდდა და დიზაინერები მის სხვადასხვა ფერისა და ზომის ვარიაციებს გვთავაზობენ. წინ დიდი თამაშები გველის - ევროპის საფეხბურთო ჩემპიონატი, რაგბის ტესტ თამაშები. რაგბის მაისურები, სხვათა შორის Dries Van Noten-ისა და DSquared2-ის გაზაფხული-ზაფხულის კოლექციებში მრავლად ვიხილეთ.
თუკი პოლოს მაისურით საკუთარი გარდერობის განახლებას გეგმავთ, აქტუალობიდან გამომდინარე, გირჩევთ ფეხბურთის ეროვნული ნაკრების ფან-შოპში (ი. ჭავჭავაძის გამზ. 74) შეიძინოთ იგი ან თუკი რაგბის ფანი ხართ, Veli-დან შეუკვეთოთ რაგბის ეროვნული ნაკრების პოლო-მაისური.
My transparent skirt looks better than your Law on Transparency
ატლასის კაბები კარადაში მომდევნო წლამდე შეინახეთ, ახლა გამჭვირვალე ქვედაკაბა ზაფხულის ყურადღების ცენტრში ექცევა. ნუ შეგეშინდებათ ფეხების სიშიშვლის, თქვენ ყველა სამოსში ლამაზი ხართ!
Feminine lady
Finally, ფემინურობა ისევ მოდაშია! ფერადი და ჰაეროვანი კაბები, ვარდები, სხეულზე გამოყვანილი ქვედა ბოლოები - ზაფხულში შეგიძლიათ მაქსიმალურად ფემინურები იყოთ.
Short Shorts
და ბოლოს, მოკლე შორტების ნუ შეგეშინდებათ, ზაფხულია და თან ძალიან, ძალიან ცხელა. ძალიან მოკლე შორტები მილანის მოდის კვირეულზე Gucci-ს საბატო დე სარნოს ხელმძღვანელობით შექმნილ კოლექციაში მრავლად ვიხილეთ. მოკლე შორტები ვიხილეთ Chanel-ის, Alexander McQueen-ის, Isabel Marant-ისა და სხვა მოდის ბრენდების ჩვენებებზეც.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
ინსპირაციისთვის ICR-ის კატალოგი დავათვალიერეთ და SCARPIERA-ს კოლექციაზე შევჩერდით, რომელიც ქალისა და მამაკაცის მამაკაცის უმაღლესი ხარისხის ფეხსაცმელსა და აქსესუარს გვთავაზობთ.
წელს Victoria’s Secret-ის პოდიუმს ქართველი მოდელი პირველად გაივლის. მატილდა გვარლიანს მილანისა და პარიზის მოდის კვირეულების შემდეგ ამერიკული ბრენდის შოუზე ვიხილავთ. მანამდე კი შეგვიძლია დრო უკან გადავახვიოთ და ყველასათვის ცნობილი “ანგელოზების” გასაოცარი მომენტები გავიხსენოთ.