დაპირებული სიახლის დროც დადგა. ამჯერად TheDiary-სა და MAO.GE-ის ახალ რუბრიკას წარმოგიდგენთ, რომელიც მოდის სამყაროში მიმდინარე აქტუალური ტრენდების, ყველასათვის სასურველი აქსესუარებისა და ტენდენციების შესახებ გიამბობთ...
TheDiary x Mao.ge კოლაბორაციის ფარგლებში, გასულ კვირას ჩვენს გამომწერებს შემოდგომის ერთ-ერთი ყველაზე პოპულარული, ბურგუნდიული ღვინისფრის პოსტი უკვე გავუზიარეთ. დღეს, სეზონის კიდევ ერთი სახასიათო ფერთა კომბინაციას, ყავისფრისა და კრემისფრის დუოს გაგაცნობთ.
ყავისფერი კლასიკური, კონსერვატიული და ამავდროულად, საოცრად მოდური ფერია, რომელიც იდეალურად ერგება განსხვავებულ კონტექსტს. თუ ფერის ფსიქოლოგიას დავესესხებით, ყავისფერს ხშირ შემთხვევაში ძლიერი და სტაბილური ადამიანები ატარებენ. მოდის სამყაროში გაჩნდა მოსაზრება იმის შესახებ, რომ Brown is the New black - ყავისფერი ახალი შავია და ეს დებულება აზრს მოკლებული სულაც არაა.
შავი ფერი ათწლეულების განმავლობაში ითვლებოდა ელეგანტურობისა და გამორჩეულობის სიმბოლოდ. ეს დღემდე ასეა, თუმცა ეს იმას არ ნიშნავს, რომ მისთვის კონკურენციის გაწევა ყავისფერს არ შეუძლია. მეტიც, ეს უკანასკნელი იდეალურად იმეორებს შავი ფერის უნივერსალურობის იდეას - ჰარმონიულად შეერწყას ყველა ფერს. ყავისფერი ნეიტრალურია, რაც იმას ნიშნავს, რომ ის არა მხოლოდ კარგად ერწყმის სხვა ნეიტრალურ და მიწიერ ტონებს, არამედ იდეალურია უფრო ნათელი ფერების დასაბალანსებლადაც.
და მიუხედავად ამ უნივერსალურობისა, მაინც არსებობს ერთი კომბინაცია, რომელმაც 2023 წლის შემოდგომის სეზონი შექმნა და დიდი ალბათობით, ზამთარშიც ასეთივე პოპულარობით გააგრძელებს ფეშენისტა გოგოების Instagram გვერდების დაპყრობას. წარმოგიდგენთ TONE-ON-TONE ყავისფრისა და კრემისფრის ტანდემს. ეს კომბინაცია ჩაცმულობას მდიდრულ ხიბლს მატებს, ის ფემინურობითა და სიმყუდროვით გამოირჩევა, რაც ამ სეზონების ესთეტიკას იდეალურად იმეორებს.
MUST-HAVE ITEMS TO SHOP:
NANUSHKA - ALAMO BELTED MIDI COAT
SOCIETE ANONYME - KROLLER CREW-NECK RIBBED-KNIT JUMPER
CELINE - CHAIN SHOULDER BAG CLAUDE IN SUEDE CALFSKINBROWN
MIU MIU - LACED UP SHOES IN BROWN
SANDRO - SANDY BELTED WOOL COAT
ADIDAS - SAMBA OG WHITE SNEAKERS
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
ინსპირაციისთვის ICR-ის კატალოგი დავათვალიერეთ და SCARPIERA-ს კოლექციაზე შევჩერდით, რომელიც ქალისა და მამაკაცის მამაკაცის უმაღლესი ხარისხის ფეხსაცმელსა და აქსესუარს გვთავაზობთ.
