უაინონა რაიდერისა და Marc Jacobs-ის მრავალწლიანი თანამშრომლობა გრძელდება, საკულტო მოდურ მომენტებს, რომლებიც წლების განმავლობაში განსაზღვრავდნენ უაინონასა და მოდის სახლის მეგობრობას, კიდევ ერთი კამპანია შეემატა. 90-იანი წლების სტილის სიმბოლომ Marc Jacobs-ის ახალი ჩანთით J Marc-ით ფოტოგრაფ ჰარლი ვეირის ობიექტივში იპოზიორა.
J Marc-ის მხრის ჩანთა დამზადებულია რბილი, ელასტიკური ტყავისგან და გამოირჩევა ბრენდის ხელწერის J ჩამკეტით. ჩანთის ტარება შესაძლებელია სამი გზით: როგორც კლატჩი, ჯვარედინი თასმით, ან როგორც მხრის ჩანთით. ჯაჭვის მკვრივი თასმა შთაგონებას იღებს სახლის Stam ჩანთიდან, რომელსაც მოდელი ჯესიკა სტემის სახელი აქვს.
J Marc-ის კამპანია Stranger Things-ის მე-4 სეზონის პრემიერას დაემთხვა, სერიალში, რომელიც მაყურებელმა 27 მაისს Netflix-ზე იხილა, უაინონა ჯოის ბაიერსის როლს ასრულებს და ამ სეზონში დიდი თავგადასავლების ეპიცენტრში ხვდება.
პირველად უაინონას სახელი მოდის სახლთან სკანდალით დაკავშირდა, 2001 წელს მსახიობს ბევერლი ჰილზში, Saks Fifth Avenue-დან Marc Jacobs-ის კაბის მოპარვაში დასდეს ბრალი. ინციდენტისა და სასამართლო დარბაზში რამდენჯერმე გამოჩენის შემდეგ, უაინონა რაიდერი მოდის სახლმა 2003 წლის გაზაფხული/ზაფხულის კამპანიაში გადაიღო და ამით მრავალწლიან თანამშრომლობასაც დაუდო სათავე.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
