ზუჰაირ მურადი ნამდვილად გამოუსწორებელი რომანტიკოსია, მას სწამს, რომ მაღალი მოდა ეს ის საოცრებათა ქვეყანაა, რომელშიც მხოლოდ სილამაზის ქმნილებები ცხოვრობენ. ლეგენდარული მოდის სახლის Zuhair Murad-ის დამფუძნებელი და მისი კრეატიული დირექტორი აღმერთებს ქალებს, მათ ელეგანტურობას, ფემინურობასა და ძალას ერთდროულად და როგორც რომანტიკოსს მასაც უყვარს თავის ქალღმერთებზე ახალი ისტორიების შეთხზვა, ამბების გამოგონება და საკუთარ ოცნებებში ჩვენი შეშვებაც.
SPRING 2022 COUTURE კოლექციისთვის ზუჰაირ მურადისგან ყველა მხოლოდ ტრადიციულ ამბავს ელოდა, დისნეის მოძველებული პრინცესების გარდერობითა და სამკაულებით, თუმცა დიზაინერმა ყველას გაოცება პოდიუმზე პირველი მოდელის გამოჩენისთანავე მოახერხა. ეს არ იყო ამბავი პრინცესებზე, ეს იყო ისტორია ძლიერ ქალებზე რომლებიც ზღვაში გაიჭრნენ.
„ადამიანებმა უნდა იოცნებონ, განსაკუთრებით ამ მომენტში, ამ მართლაც სტრესულ დროს“, - თქვა მურადმა შოუს კულისებში. „მეკობრეები თავისუფლების, თავდაჯერებულობისა და გამბედაობის სადარაჯოზე დგანან”.
ზუჰაირ მურადის მოდელები თავგადასავლებისკენ მიემართებოდნენ ღია ზღვაში, ძვირფასი ქვებით შემკულ სილუეტებში დიზაინერმა განძის სკივრის შთაგონება გამოიყენა, მდიდრული ნაქარგებით მისტიკური რუკები იყო ამოქარგული, მბზინავი კრისტალები კი კიდევ ერთხელ უსვამდნენ ხაზს მეკობრეთა მიერ მოხვეჭილ საგანძურს. გემის კაპიტანი ქალი გახლდათ და გემბანზეც ადგილი მხოლოდ ქალებისთვის იყო განკუთვნილი.
ტრიკორნის ჩალის ქუდები, თავსაბურავი და ნატურალური ტყავის აქსესუარები ხაზს უსვამდნენ კოლექციის კონცეფციას, ხოლო ბუშტის სახელოები და საყვარელი დეკოლტეები უშიშარი თავგადასავლებისთვის გვამზადებდნენ.
ლუსი ჰეილის Joyroad: უდარდელი ვესტერნული შეგრძნებები - Weekend Max Mara-ს ახალი Signature კოლექცია 2024-25 წლების შემოდგომა/ზამთრის სეზონისთვის ამერიკელ მსახიობთან თანამშრომლობით შეიქმნა. მასში ბუნების წიაღში საგზაო მოგზაურობასთან დაკავშირებული თავისუფალი სულისკვეთება არის არეკლილი.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
