კამალა vs ტრამპი - საპრეზიდენტო დებატების ჩემპიონი ვიცე პრეზიდენტია
2024 წლის საპრეზიდენტო დებატებში კამალა ჰარისმა დონალდ ტრამპი "გაანადგურა". ვიცე პრეზიდენტს კი საჯარო მხარდაჭერა ტეილორ სუიფტმა გამოუცხადა.
სალი ის გოგოა, რომელსაც უნდა იცნობდეთ! მის გასაცნობად კი ახალგაზრდა ხელოვანის პირადი Facebook გვერდის მონახულებაც საკმარისია, სადაც სალის სამყარო ყველასთვის ხელმისაწვდომი, გადაშლილი და გამჭვირვალეა.
სალი ნიკოლაიშვილს 1 წლიანი პირადი დღიურის შექმნის იდეა რამდენიმე თვის წინ გაუჩნდა და მას მერე, სხვადასხვა თემატიკის ილუსტრირებულ ჩანახატებს სოციალურ ქსელში ყოველდღიურად გვიზიარებს.
სალის ილუსტრირებულ დღიურში თემატიკა 30 დღეში ერთხელ იცვლება, ამიტომ მის გვერდზე ერთდროულად ფერად გეიშებს, მუსლიმ ქალებს, გრაფიკულ ნოველებს, თუ სხვა გმირებს დაათვალიერებთ. ყველა მათგანს ერთი მნიშვნელოვანი რამ - სახლის თვალით აღქმული სამყაროს ხედვა აერთიანებს, რაც თითოეულ ნამუშევარში მკაფიოდ იგრძნობა.
გასულ წელს დღის სინათლე სალის ილუსტრაციებით გაფორმებულმა წიგნმა იხილა. წიგნის „50 ქალი საქართველოდან” საბავშვო ვერსია ანა კალანდაძეს, ელენე ახვლედიანს, მარო მაყაშვილს, ეკატერინე გაბაშვილს, თუ სხვა იმ ქალებს გაგაცნობთ, რომლებმაც საქართველოს ისტორიაში წარუშლელი კვალი დატოვეს.
ხელოვანი პროექტი Niko-ს წევრია, რომლის ფარგლებშიც სალის ხელით მოხატული კედლები უკვე თბილისსა და ქუთაისში გაჩნდა.
სალი პროფესიით არქიტექტორია. გრაფიკული დიზაინის კურსის გავლის შემდეგ სააგენტო Holmes & Watson-ის გუნდის წევრი გახდა, სულ ცოტა ხნის წინ კი Art დირექტორის პოზიცია WINDFOR’S TBILISI-ში დაიკავა.
არ გამოგრჩეთ
რა გზებით შეუძლია საქართველოს ნაკრებს მსოფლიო ჩემპიონატზე გასვლა
საქართველოს ეროვნულმა ნაკრებმა ერთა ლიგის ჩემპიონატზე უკვე 6 ქულა დააგროვა. საოცარი გამარჯვებები ალბანეთისა და ჩეხეთის გუნდებთან ისტორიას დარჩება. ჩვენი მიზანი მსოფლიო ჩემპიონატზე ასპარეზობაა, ამ ოცნების ასრულებისთვის კი, ორი გზა არსებობს.
კრის ჰემსვორთმა ედ შირენის კონცერტზე დაუკრა
კრის ჰემსვორთმა ბუქარესტში გამართულ ედ შირენის კონცერტზე 70 000 მსმენელის წინაშე, Thinking out loud-ის დრამის ნაწილი დაუკრა. შირენმა კრისს დრამებზე დაკვრა თავადვე ასწავლა.