ზაკ ეფრონი იბიცაზე, აუზზე მომხდარი ინციდენტის შემდეგ საავადმყოფოში გადაიყვანეს. წყაროს ცნობით, ჰოლივუდელი მსახიობი, რომელიც ევროპაში ოლიმპიადის დაწყებიდან მოყოლებული იმყოფება, აუზიდან ორი პირის დახმარებით ამოიყვანეს. ეფრონის წარმომადგენლების განცხადებით, მცირე ინციდენტს მსახიობის ჯანმრთელობისთვის საფრთხე არ შეუქმნია და მისი ჰოსპიტალიზაცია მხოლოდ თავის დაზღვევის მიზნით მოხდა.
ეფრონის წარმომადგენლები ჯერ-ჯერობით არაფერს ამბობენ იმის შესახებ, თუ რა მოხდა აუზზე, თუმცა გავრცელდა ინფორმაცია იმის შესახებ, რომ მსახიობი საავადმყოფოდან შაბათს გამოწერეს და ის თავს “უკეთ” გრძნობს.
“17 again”-ის ვარსკვლავი ევროპას ოლიმპიადის ფარგლებში სტუმრობს. ის პარიზში გახსნის ცერემონიალს დაესწრო და მეგობარს - სიმონ ბაილსს წარმატებები უსურვა. მას შემდეგ, რაც ამერიკის ტანმოვარჯიშეების ნაკრებმა გამარჯვება მოიპოვა, ეფრონმა ინსტაგრამზე სიმონ ბაილსს თბილი პოსტი მიუღღვნა.
როგორც ჩანს, ოლიმპიური თამაშების შემდეგ ჰოლივუდელი ვარსკვლავი დასასვენებლად იბიცაზე გაეშურა, სადაც უკვე კვირაზე მეტია იმყოფება. ინციდენტს თავად მსახიობი არ გამოხმაურებია. მისი ბოლო პოსტი instagram-ზე კვლავ სიმონ ბაილსს ეხება.
ეფრონის ჯანმრთელობის მიმართ ყურადღებას ის ფაქტიც ამძაფრებს, რომ რამდენიმე წლის წინ მან საკმაოდ სერიოზული ოპერაცია გადაიტანა, რომელმაც მსახიობის სახე საგრძნობლად შეცვალა. მისი გარეგნობის შესახებ უამრავი სპეკულაციის შემდეგ, მსახიობმა ერთ-ერთ ინტერვიუში თავად განმარტა, რომ სახის მძიმე დაზიანების შემდეგ, საკმაოდ რთული ოპერაციის გადატანა მოუწია, რომელმაც მისი ყბის ძვლის სრული ტრანსფორმაცია მოახდინა.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
ტეილორ სუიფტის ახალი რჩეული სავარაუდოდ ცნობილი ამერიკელი ათლეტი - ტრევის კელსი გახლავთ. გამოცემა People იუწყება, რომ ტეილორმა და ამერიკული ფეხბურთის ვარსკვლამა კანზასში, ეროუჰედის სტადიონი ერთად დატოვეს და ადგილზე შეკრებილ ჟურნალისტებს გასვლისას დაემშვიდობნენ კიდეც.
