ლიზა ყენიას გრემის ნომინანტებს შორის მოხვედრის შანსი აქვს
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
15 ივლისს, Adidas-მა ლეგენდარული SL 72 ბოტასების სარეკლამო კამპანია ჩაუშვა, მის მთავარ სახედ კი ნახევრად პალესტინელი მოდელი, ბელა ჰადიდი დაასახელა. ზუსტად რამდენიმე დღეში კი ბრენდმა რეკლამა მედიიდან ამოიღო და ბოდიშიც მოიხადა. მიზეზი კი ამ სპორტული ფეხსაცმლის კავშირია 1972 წლის ზაფხულის ოლიმპიურ თამაშებთან.
რა მოხდა 1972 წლის ოლიმპიურ თამაშზე?
სპორტული ფეხსაცმლის ეს მოდელი პირველად 1972 წლის მიუნხენის ოლიმპიადაზე გამოჩნდა, რომელიც სისხლიანი ასოებით ჩაიწერა არა მარტო სპორტის, არამედ მსოფლიო ისტორიაში. პალესტინური ტერორისტული ორგანიზაცია "შავი სექტემბერი" ოლიმპიურ სოფელში შეიჭრა და სასტიკი ტერაქტი მოაწყო. ტერორისტებმა ისრაელის ოლიმპიური გუნდის წევრები ჯერ მძევლად აიყვანეს, ხოლო შემდეგ სასტიკად გაუმკლავდნენ.
სკანდალი
ბელა ჰადიდი, ნახევრად პალესტინელი მოდელი, ომის დაწყების დღიდან, ოჯახთან ერთად პალესტინელების მხარეს დგას. ის სოციალურ ქსელებში პალესტინელების მიმართ ძალადობასა და გენოციდზე აქტიურად წერს. ბელას ადიდასის კამპანიაში ჩართვას ებრაელი საზოგადოების მწვავე რეაქცია მოჰყვა. X პლატფორმაზე ამერიკის ებრაულმა კომიტეტმა ამ ფაქტის შესახებ ტვიტი გამოაქვეყნა. AJC-ი მიუნხენის ოლიმპიადაზე მომხდარ ტერორიზმზე საუბრობს და ადიდასის გუნდს უდიდესი შეცდომის დაშვებაში ან “ცეცხლის” გამიზნულად გაჩენაში სდებს ბრალს.
— American Jewish Committee (@AJCGlobal) July 18, 2024
ამ განცხადების შემდეგ, ადიდასმა მეილის მეშვეობით საჯარო ბოდიში მოიხადა და ბელა ჰადიდი კამპანიიდან გააქრო. გერმანული ბრენდის ამ ნაბიჯს მაშინვე უარყოფითი რეაქცია მოჰყვა. ამას დაემატა ჯონათან გრინბლატის ტვიტი, რომელშიც ის ბელა ჰადიდს ჰამასის პროპაგანდისა და ანტისემიტური დეზინფორმაციის გამტარებლად ახასიათებს. ჯონათანი ანტისემიტიზმის საწინააღმდეგო ორგანიზაციის, ADL-ის აღმასრულებელი დირექტორია. ჯონათანის პასუხად ბრიტანელ-ამერიკელი ჟურნალისტი მეჰდი ჰასანი წერს, რომ არასწორია დავაბრალოთ ბელას ის, რაც წლების წინ წინაპრებმა ჩაიდინეს. ყველა ასეთი ქმედება ეთნიკური ნიშნით დისკრიმინაცია და ანტი-პალესტინური რასიზმია.
In 1972, Palestinian terrorists murdered 11 Israeli athletes and coaches at the Olympic Games in Munich.
— Jonathan Greenblatt (@JGreenblattADL) July 18, 2024
Choosing Bella Hadid - who promotes hateful anti-Israel misinformation and Hamas propaganda to her millions of followers - to be the face of a 1972 Olympic shoe relaunch was… pic.twitter.com/Q1cKiMc5rn
პასუხის პასუხი
ბელა ჰადიდმაც არ დააყოვნა პასუხი და მედიაში გავრცელებული ინფორმაციით ადიდასის წინააღმდეგ სარჩელის მოსამზადებლად ადვოკატები უკვე დაიქირავა. თავად მოდელს საჯარო განცხადება ჯერ არ გაუკეთებია.
ადიდასი ბელა ჰადიდისა და კამპანიის სხვა წევრებს ბოდიშს კიდევ ერთხელ უხდის და კამპანიასთან დაკავშირებით ცვლილებების შეტანას აანონსებს. რა სახის იქნება ეს ცვლილებები ჯერ უცნობია. ადიდასი გერმანული ბრენდია, რომელიც მთელ მსოფლიოში სხვადასხვა ეროვნების, რასის, ასაკის, სქესისა თუ ცხოვრების სტილის ადამიანებთან თანამშრომლობს. ბუნებრივია, უშეცდომო არავინაა, თუმცა იყო თუ არა ბელა ჰადიდის კამპანიაში ჩართვა გულუბრყვილო შეცდომა, ამას სავარაუდოდ მოდელის მიერ წამოწყებული სასამართლო პროცესები დაგვანახებს.
არ გამოგრჩეთ
„კარმინა ბურანა“ გაბორ ჰოლერუნგის დირიჟორობით
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
Puff Daddy-ის საქმე - რა ხდებოდა დახურულ დარაბებს მიღმა Hollywood-ში?!
ამერიკელი რეპერის, შონ კომბსის, იგივე Diddy-ს წინაშე 3 ფედერალური დანაშაულია წაყენებული: სექს-ტრეფიკინგი, რეკეტი და პროსტიტუციაში ადამიანების იძულებით ჩართვა. ამას გარდა, რეპერს ათობით ადამიანი ფსიქოლოგიურ, ფიზიკურ და სექსუალურ დანაშაულებში ამხელს.