თანამედროვე კონკიას ისტორია პრინცის მოლოდინით არ იწყება. ის ნიჭიერი, იდეებით აღსავსე და საინტერესო გოგოა, რომლის ზღაპარიც მას შემდეგ იწყება, რაც საკუთარი თავის “გადარჩენას” თავადვე გადაწყვეტს. The Diray სოციალური მედიის ვარსკვლავებს გაგაცნობთ, რომლებმაც რთული წარსულის, ხელშემწყობი ფაქტორების არარსებობის, თუ მარტოდ დარჩენის მიუხედავად, საკუთარი თავის რებრენდინგი მოახერხეს და სოციალური მედიის საშუალებით წარმატებული კარიერა შეიქმნეს.
ამჯერად ჩვენი Cinderella ამერიკელი Fashion ბლოგერი - ბრიტანი ქსავიერია. ლამაზმანს Tik-Tok-ზე 4.3 მილიონი, ხოლო Instagram-ზე 1.7 მილიონი მიმდევარი ჰყავს.
ბრიტანის ბავშვობა ია-ვარდით მოფენილი ნამდვილად არ ყოფილა. ის ლოს-ანჯელესში, დაბალი ფენის ოჯახში დაიბადა, სადაც შემომტანი მხოლოდ ერთი მშობელი გახლდათ. საშუალო სკოლის დასრულების შემდეგ, ბრიტანი დაორსულდა.
19 წლის ასაკში დედობა ისედაც რთული იქნებოდა, მაგრამ ამას ისიც დაემატა, რომ ახალგაზრდა ქალი ახალი ამბის გაგებიდან 10 დღეში ბავშვის ბიოლოგიურ მამას დაშორდა და საცხოვრებლად მშობლების სახლში დაბრუნდა. მაშინ ბრიტანი უკვე კოლეჯში სწავლობდა, ამიტომ 1 წლიანი შესვენების აღებაც მოუწია. დედობის შესახებ ბრიტანი თავის ერთ-ერთ ვლოგშიც გვიყვება.
ბრიტანის ქალიშვილი - ჯეიდენი სამყაროს 2007 წელს მოევლინა. 20 წლის მარტოხელა დედა კოლეჯში დაბრუნდა და საერთაშორისო ურთიერთობების შესწავლა განაგრძო. კოლეჯის დასრულების შემდეგ ბრიტანიმ უნივერსიტეტში, იურიდიულ ფაკულტეტზე ჩაბარება გადაწყვიტა, თუმცა გამოცდების წარმატების ჩაბარების შემდეგ მიხვდა, რომ იურიდიული მიმართულებით წასვლა ჯეიდენისთვის უდედოდ დარჩენას ნიშნავდა, ამიტომ მუშაობა ერთ-ერთ კომპანიაში, მარკეტინგის განყოფილებაში დაიწყო.
ჯეიდენის დაბადების შემდეგ ბრიტანი პირად ცხოვრებაზე ნაკლებად ფიქრობდა. მეტიც, თვლიდა, რომ სერიოზული ურთიერთობისთვის მზად არ იყო, თუმცა მალევე გაიცნო ენტონი, რომელსაც ცალსახად აუხსნა, რომ მისთვის პრიორიტეტი ყოველთვის ქალიშვილი იქნებოდა. მიუხედავად ამისა, ენტონიმ ბრიტანისთან შეხვედრა განაგრძო და 6 თვის თავზე საყვარელი ქალის შვილიც გაიცნო.
ენტონის გაცნობის შემდეგ ჯეიდენმა მითხრა, რომ ის ნამდვილ პრინცს ჰგავდა. მათი სიყვარული პირველივე შეხვედრისთანავე დაიწყო.
ბრიტანი ქსავიერი და მისი რჩეული 2012 წელს დაინიშნნენ და 1 წლის თავზე იქორწინეს. ლამაზმანს მოდური ბლოგების იდეა მას შემდეგ გაუჩნდა, რაც ენტონისთან ერთად საქორწინო მოგზაურობიდან დაბრუნდა. ქორწილების შესახებ პირადი გამოცდილების გარდა დიდი არაფერი იცოდა, მაგრამ მოდაში კარგად ერკვეოდა, ამიტომ ბლოგების გადაღება ბიუჯეტური ქორწილების შესახებ გაიწყო.
ბრიტანის ბლოგებს კომპანიები მალევე გამოეხმაურნენ და მისთვის სამოსის გაგზავნაც დაიწყეს. ერთ დღესაც ქსავიერს თანამშრომელმა ურჩია, რომ ბლოგებში მოხვედრის მსურველი ბრენდებისთვის თანხა მოეთხოვა.
არ მეგონა ბრენდები ამაში ფულს თუ გადაიხდიდნენ, მაგრამ მაინც ვცადე. პირველივე კომპანიამ რამდენიმე პაკეტს შორის ყველაზე ძვირიანი აარჩია.
მალე ბლოგებში სოლიდური თანხების გადახდა ბევრმა კომპანიამ დაიწყო. ისინი ბრიტანის თავად უკავშირდებოდნენ და მის ბლოგებში ჩასმას სთხოვდნენ. საქმე იმდენად კარგად წავიდა, რომ ბრიტანიმ სამსახური მიატოვა და ინფლუენსერად მუშაობა სრულ განაკვეთზე დაიწყო.
ბრიტანი ქსავიერის საოცარი წარმატების ბიძგი კი 2015 წელს ჩატარებული Bloglovin’ Awards-ის დაჯილდოება გახდა, სადაც ბრიტანიმ წლის Fashion ბლოგერის სტატუსი დაიმსახურა. ამის შესახებ ინფლუენსერი ვრცლად თავის youtube ვლოგშიც გვიყვება.
გასული წელი კი ბრიტანის ცხოვრებაში ყველაზე მრავალფეროვანი აღმოჩნდა. ქსავიერი მეორე ბავშვზე დაფეხმძიმდა, მან და ენტონიმ კი პირველი საკუთარი სახლი შეიძინეს. ბრიტანის უფროსი ქალიშვილი - ჯეიდენი დღეს 14 წლისაა და დედის საუკეთესო მეგობარია.
ბრიტანი ქალიშვილს ხშირად უწყობს სიურპრიზებს და ვიდეოებს Tik-tok-ზე ხშირად გვიზიარებს. ბრიტანი, ენტონი და ჯეიდენი ოჯახის ყველაზე პატარა წევრს ერთად ზრდიან, 35 წლის ინფლუენსერი კი სამოსის საკუთარი ბრენდის გამოსაშვებად ემზადება.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
