დუმილი დიდხანს გაგრძელდა, თითქმის შვიდი წელი და სამწუხაროდ ეს ავის მომასწავებელი დუმილი აღმოჩნდა. 28-წლიანი დიდების შემდეგ, ფრანგული დუეტი Daft Punk უკანასკნელი ტრეკით Epologue-ით დაგვემშვიდობა.
ლეგენდებად ქცეულმა მუსიკოსებმა ტომას ბანგალტერმა და გი მანუელ დე ჰომემ-კრისტომ დუეტი 1993 წელს, პარიზში დააფუძნეს. 1997 წელს გამოსულმა პირველმა ალბომმა Da Funk-მა, რომელშიც ისეთი ტრეკები შედიოდა, როგორებიცაა Revolution 909 და Around The World, მსმენელის დიდი მოწონება დაიმსახურა და სწორედ ამ ალბომიდან დაიწყო დუეტის აღმავლობის ხანაც.
ბიჭებმა, მათ ნიშად ქცეული მომავლის ჩაფხუტები მოგვიანებით, 2001 წელს დაამზადეს და მას შემდეგ ყველა ინტერვიუს, live გამოსვლასა თუ კონცერტს რობოტების ჩაფხუტებით ესწრებოდნენ.
6 Grammy-ს ჯილდოს, მრავალმილიონიანი მოსმენების, რეკორდული გადმოწერებისა და ზღვა თაყვანისმცემლების ფონზე Daft Punk იყო თანამედროვე ელექტრონული სცენის ის დიდებული დუეტი, რომელიც ყოველი ფეხის ნაბიჯზე შთაგვაგონებდა და აღგვაფრთოვანებდა. რასაკვირველია, დუეტის დაშლის შემდეგაც კი მათი ლეგენდარული სიმღერები ჩვენს Playlist-ში განსაკუთრებულ ადგილს იკავებენ.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.