ამერიკელი მსახიობი, მოდელი და მომღერალი ეშლი ვიქტორია ბენსონი, რომელიც საზოგადოებამ თინეიჯერული მისტიკური-დრამა სერიალ Pretty Little Liars-დან შეიყვარა, ქართული ბრენდის სამოსს ირგებს. მსახიობმა საკუთარ Instagram გვერდზე ვიდეო გამოაქვეყნა, რომელშიც ეშლის ეკომეგობრული ტყავის მასალისგან შექმნილი MATERIEL-ის-ს წითელი მოსაცმელი ამშვენებს.
წითელი მოსაცმელი MATERIEL-ის Resort 2021 წლის კოლექციის ნაწილი გახლავთ, ეშლი ბენსონმა დახვეწილ მოსაცმელს, ამავე ფერის ხელჩანთა და მბზინავი მაღალქუსლიანი ფეხსაცმელები შეუხამა. გარდა იმისა, რომ მსახიობმა მოსაცმელში გადაღებული ვიდეო პირად სივრცეში ატვირთა, მან ქართული ბრენდის Instagram გვერდიც მონიშნა.
ქართველი დიზაინერებისა და ცნობილი ადამიანების სტილისტების დაკავშირება, ლოს-ანჯელესში მოღვაწე ქართველი მოდის რეალტორის თათა ქართველიშვილის დამსახურებაა, რომელმაც PR სააგენტო tata_la რამდენიმე წლის წინ დააფუძნა და დღემდე საკმაოდ დიდი წარმატებით მოღვაწეობს შტატებში.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.