მსახიობი გალ გადოტი მესამე შვილის დედა გახდა. ლამაზმანს და მის მეუღლეს, იარონ ვარსანოს გოგონა შეეძინათ, რომელსაც დანიელა დაარქვეს. გადოტმა თაყვანისმცემლებს Instagram-ის საშუალებით ოჯახური ფოტო გაუზიარა, რომელზეც წყვილი სამივე ქალიშვილთან ერთადაა აღბეჭდილი.
ჩემი ტკბილი ოჯახი… ამაზე მადლიერი, ბედნიერი (და დაღლილი) ნამდვილად ვერ ვიქნებოდი.
მსახიობი და იარონ ვარსანო 2008 წელს შეუღლდნენ. წყვილს ორი უფროსი ქალიშვილი - 4 წლის მაია და 9 წლის ალმა ჰყავთ. გალმა საზოგადოებას სასიამოვნო სიახლე ჯერ კიდევ მარტში გაანდო. მაშინ მსახიობმა ერთ-ერთ ინტერვიუში დედობის თაობაზეც ისაუბრა.
როდესაც ალმა გაჩნდა, არც ერთმა ვიცოდით ბავშვის აღზრდა, ამიტომ ძალიან გაგვიჭირდა. განსაკუთრებით გაგვიჭირდა მისი ძილის რეჟიმის დალაგება, რაც საბოლოოდ ჩვენს ნერვულ სისტემაზეც აისახებოდა. თუმცა, გამოცდილება წლებთან ერთად მოდის, ამიტომ მაიას დაბადებას მომზადებულები შევხვდით.
ახლო მეგობრების თქმით, ქალი საოცრება, ასეთივე საოცარი დედაა. მიუხედავად იმისა, რომ ბოლო წლების მანძილზე მსახიობი კარიერულ მწვერვალებს იპყრობს და მუდმივად ახალ პროექტებში გვევლინება, ის მაინც ახერხებს დროის ძირითადი ნაწილის შვილებთან და მეუღლესთან ერთად გატარებას.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
