გაინტერესებს მდგრადი განვითარება, მეწარმეობა და ინოვაციები? მაშინ აუცილებლად დაინტერესდებით პროექტით „გახდი ცვლილება - შექმენი ჭკვიანი და მდგრადი საზოგადოება“, რომელიც სწორედ ახლა იწყება და ანტრეპრენერთა ასოციაციის, სტეინბეის ინოვაციების ცენტრისა და ABCD ინოვაციების ცენტრის მიერ ხორციელდება.
16-30 წლამდე ახალგაზრდა ინოვატორებს მცირე ქალაქებიდან და სოფლებიდან, რომელთაც სურვილი აქვთ შექმნან ინოვაციური ციფრული გადაწყვეტილებები ადილობრივი თემის კეთილდღეობის გასაუმჯობესებლად, ეძლევათ ბრწყინვალე შესაძლებლობა მონაწილეობა მიიღონ მიმდინარე პროექტში.
პროექტის ფარგლებში მოხდება 30 ახალგაზრდას შერჩევა გერმანიიდან, საქართველოდან და სომხეთიდან, რომლებიც მონაწილეობას მიიღებენ მდგრადი განვითარების, ტექნოლოგიებისა და მეწარმეობის მიმართულებით დაგეგმილ აქტივობებში, საზოგადოებაში არსებული გამოწვევების ინოვაციური გზებით გადასაჭრელად.
პროექტის აქტივობები მოიცავს ონლაინ ჰაკათონს, ციფრულ ვორქშოფებს და საერთაშორისო ვორქშოფებს ფიზიკურ სივრცეში გერმანიასა და საქართველოში.
პროექტში მონაწილეობის მიღების მსურველებმა 20 აპრილამდე უნდა შეავსონ სააპლიკაციო ფორმა, რომელიც ბმულზეა მოცემული, აქვე გეტყვით იმასაც, რომ პროექტში მონაწილეობა უფასოა, ყველა ხარჯი დაფინანსებულიასაგრანტო პროგრამის MEET UP! Youth for Partnership-ის ფარგლებში გერმანიის საგარეო საქმეთა სამინისტროსა და ფონდი Foundation Remembrance, Responsibility, and Future (Foundation EVZ)-ის მიერ.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
