არა ერთი ხელის შემშლელი ფაქტორის მიუხედავად, რომელთა სათავეშიც უდავოდ covid 19 დგას, 2021 წლის Grammy Awards-ის დაჯილდოების ცერემონიამ, ჩვეული პომპეზურობით ჩაიარა. Grammy-ს, რიგით 63-ე დაჯილდოებაზე, კიდევ ერთხელ მოგვეცა საშუალება ჩვენი რჩეული ვარსკვლავები წითელ ხალიჩაზე თვალისმომჭრელი ჩაცმულობებით გვეხილა, პარალელურად კი მათი საოცარი შესრულებებისა და სიტყვით გამოსვლების მომსწრენიც გავმხდარიყავით.
წარმოგიდგენთ, გასული საღამოს 10 საუკეთესოდ შემოსილ ვარსკვლავს წითელ ხალიჩაზე, რომელთა შორის თქვენს ფავორიტ ცნობილ ადამიანს აუცილებლად აღმოაჩენთ.
დუა ლიპა
მომღერალს Versace-ს მბზინავი კაბა და BVLGARI-ს სამკაულები ამშვენებს.
ჰარი სთაილსი
მომღერალმა ჩვენი გულის მოგება, ისევ და ისევ Gucci-ს კოსტუმებით მოახერხა.
ტეილორ სვიფტი
ტეილორმა წითელ ხალიჩაზე გამოჩენისთვის, გაზაფხულით შთაგონებული Oscar de la Renta-ს ყვავილებიანი კაბა და Christian Louboutin-ის მაღალქუსლიანი ფეხსაცმელები შეარჩია.
ბიონსე
Queen B რიგით 63-ე დაჯილდოებას, ტანზე მომდგარი Schiaparelli-ს შავი კაბით დაესწრო.
სინტია ერვინო
სინტია წითელ ხალიჩას ციფრულ ფორმატში შეუერთდა, თუმცა საუკეთესოდ შემოსილ ცნობილებს შორის კუთვნილი ადგილი მაინც დაიკავა. ერვინომ Louis Vuitton-ის კაბა და Tiffany & Co-ს სამკაულები მოირგო.
ბილი აილიში
ბილიმ არც ამჯერად უღალატა Gucci-ს და Grammy Awards-ზე საყვარელი მოდის სახლის ორი ლუქი მოირგო.
ლიზო
მომღერალი წითელ ხალიჩაზე, Balmain-ის ულამაზესი კაბით და მბზინავი მაღალქუსლიანი ფეხსაცმელებით გამოჩნდა.
ქლოი ბეილი
მომღერალი წითელ ხალიჩაზე ვირტუალურად შეუერთდა და Louis Vuitton-ის მშვენიერი კაბა და Tiffany & Co-ს სამკაულებიც ვირტუალურად წარმოგვიდგინა.
ჰოლი ბეილი
ჰოლიმ ჩაცმულობა, საკუთარ დას და მუსიკალურ პარტნიორს შეუახამა და თავადაც Louis Vuitton-ის კაბაში შემოსილი გამოჩნდა.
ჯენე აიკო
და ბოლოს, გასული საღამოს საუკეთესოდ შემოსილთა შორის, ჯენე აიკო Giambattista Valli-ს ულამაზესი ვარდისფერი კაბით, კუთვნილ ადგილს იკავებს.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
