Gucci 100 წლისაა, საიუბილეო თარიღთან დაკავშირებით, ბრენდის კრეატიულმა დირექტორმა ალესანდრო მიკელემ გუშინ საღამოს ახალი კოლექცია წარადგინა, რომელმაც უკვე დაიმსახურა მოდის ინდუსტრიის მოყვარულთა თუ კრიტიკოსთა საერთაშორისო აღიარება. როგორც მოსალოდნელი იყო, ჩვენების განმავლობაში Gucci x Balenciaga კოლაბორაციაც შედგა და ამ ორი ავთენტური ბრენდის გადაკვეთა იმაზე ჯადოსნური აღმოჩნდა, ვიდრე წარმოგვედგინა.
„საუკუნის აღნიშვნა წარსულის საკეტების გახსნისა და საწყისთან დაბრუნების იდეალურ შესაძლებლობას იძლევა“ - განაცხადა მიკელემ
ორი დიდი ბრენდის კოლაბორაციის და დამსახურებული აპლოდისმენტების გარდა, ალესანდრო მიკელემ გადაწყვიტა Gucci-ს იუბილე საკულტო ერთეულის გაცოცხლებითაც აღენიშნა და ამისთვის გვინეტ პელტროუს წითელი ხავერდის ორეული გამოიყენა, რომელიც იტალიური ბრენდისთვის ათწლეულების წინ მისმა კრეატიულმა დირექტორმა რომ ფორდმა შექმნა. მსახიობს კოსტუმი 1996 წელს VMA-ს წითელ ხალიჩაზე ემოსა, აგერ უკვე 25 წლის შემდეგ კი ალესანდრო მიკელემ მას ახალი სიცოცხლე შთაბერა და მაღალი წელითა და პიჯაკის ფართე მხრებით შემოგვთავაზა.
2019 წელს ტომ ფორდმა, 1996 წელს Gucci-სთვის შექმნილი საკულტო ნამუშევარი საკუთარი ბრენდის სახელის ქვეშ გააცოცხლა.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
