ცნობილ ადამიანთა შორის ახალბედა დედების ნამდვილი ბუმია, სანამ მათი ნაწილი კორონავირუსის პანდემიას სახლში ემალება, მეორე ნაწილი წესების სრული დაცვით ნიუ-იორკისა თუ ლონდონის ქუჩებში სეირნობს და გულშემატკივრებს ახალბედა დედის სტილსაც აცნობს.
ჯიჯი ჰადიდი
რამდენიმე დღის წინ სუპერმოდელი ჯიჯი ჰადიდი, პატარა კაისთან და მეგობართან ერთად, პაპარაცებმა ნიუ-იორკის ქუჩებში დააფიქსირეს. აღმოჩნდა, რომ ჯიჯიმ თმის ფერი შეიცვალა, და პლატინის ქერადან სუპერმოდელი ჟღალ ფერზე გადავიდა, რომელსაც სეზონის ერთ-ერთ ფავორიტ ფერად მიიჩნევენ.
ნიუ-იორკის ქუჩებში ჯიჯი Moncler-ის მდოგვისფერი და თეთრი ფერის მოსაცმლით, Krewe-ს სათვალეებით და Dr. Martens-ის ფეხსაცმლით გამოჩნდა.
2 MONCLER 1952 Coral trench coat
ემილი რატაკოვსკი
სუპერმოდელს პირველი შვილი, სულ რამდენიმე დღის წინ შეეძინა, თუმცა ემილიმ გასაოცრად სწრაფად მოახერხა ფორმის დაბრუნება და ნიუ-იორკის ქუჩებში ოჯახთან ერთადაც კი სეირნობს.
პირველი ოჯახური გამოჩენისთვის ემილიმ ყოველდღიური, საკმაოდ მარტივი სტილი შეარჩია და ჯინსის შარვალს და კლასიკურ პიჯაკს Reebok-ის თეთრი კედები შეუხამა
Off-White & Green Club C 85 Vintage Sneakers
პიპა მიდლტონი
კემბრიჯის ჰერცოგინიას და - პიპა მიდლტონი დედა მეორედ რამდენიმე კვირის წინ გახდა. პიპას ქალიშვილი გრეის ელისაბედ ჯეინი შეეძინა, დედა-შვილმა პირველი საჯარო გამოჩენისთვის ლონდონის ქუჩები შეარჩია და პაპარაცების ობიექტივშიც უმალვე მოხვდა.
პიპამ გასეირნებისთვის Hobbs-ის საშუალო სიგრძის კაბა, თრენჩ მოსაცმელი და Jimmy Choo-ს ფეხსაცმელები მოირგო.
PETITE ALISON DRESS
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
