როდესაც Chanel-ზე ვიწყებთ ფიქრს, ჩვენ მთელი სხეულითა და შეგრძნებებით ვფიქრობთ: წარმოვიდგენთ მარგალიტის ყელსაბამის შეხებას ყელზე, პატარა შავი კაბის მორგებას, რომელიც ყველა ქალს აუცილებლად უნდა ჰქონდეს გარდერობში.
Chanel-ი ეს არის მოგზაურობა ბოჰემურ წვეულებაზე Place Vandome-ში, სადაც გაბრიელამ თავად პიკასო და სალვადორ დალი დაპატიჟა და ბოლოს აუცილებლად მივდივართ თავდაჯერებულობის, ფემინურობისა და ელეგანტურობის მომაჯადოებელ ნოტებამდე, სურნელამდე, რომელიც Chanel-ის ხელწერის საუკეთესო წარმომადგენელია - ყველა დროის, ყველაზე საკულტო სუნამო N°5 ძლევამოსილებისა და მარადიულობის 100 წლის იუბილეს აღნიშნავს.
საიუბილეო თარიღთან დაკავშირებით, მოდის სახლმა კერპად ქცეული სუნამოს Chanel N°5-ისთვის მიძღვნილი ფილმი გამოაქვეყნა, რომელიც საკულტო სუნამოს მოგზაურობის ისტორიას გვაცნობს. ყველაფერი კი 1920-იან წლებში იწყება, როდესაც მოდის რევოლუციის მოგზაურობაში, გაბრიელა შანელი კიდევ უფრო შორს გაიჭრა და პირვლი სუნამო წარადგინა, რომელიც თავისი შინაარსითაც რევოლუციული გახლდათ - N°5 იყო პირველი სუნამო, შექმნილი მხოლოდდამხოლოდ ქალებისთვის.
ათწლეულების განმავლობაში Chanel N°5 იქცა მუზად, გამოწვევად, შთაგონებად, N°5 სამყაროს კუბიზმის, დადაიზმისა და სიურეალიზმის აღმავლობის ხანაში მოევლინა და მათთან ერთად დაიწყო ახალ ენაზე საუბარი, სტერეოტიპების მსხვრევა და ჩარჩოების გარღვევა, Chanel-ის სურნელი გახდა თანამედროვეობის მანიფესტი, დამოუკიდებლობის სიმბოლო და თანამედროვე მითი.
Chanel N°5-ს ირჩევდნენ ყველა დროის ყველაზე კაშკაშა ქალები, მათ შორის მერილინ მონროც, რომლის სახელიც სამარადისოდ დაუკავშირდა N°5-ს, N°5-სა კი მერილინს.
ენდი უორჰოლის, ჰელმუნტ ნიუტონის, ირვინ პენისა და რიდლი სკოტის შთაგონების წყარო და MoMA-ს კოლექციის პირველი ექსპონატი 100 წლის იუბილეს ზეიმობს.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.