ჩვენთვის საყვარელი მომღერლის შერის 90-იანი წლების ჰიტად ქცეული სიმღერის Believe-ის ქავერ ვერსია, რომელსაც ქართველი მომღერალი ნათია თოდუა ასრულებს, იმდენად ღრმა და სულში ჩამწვდომია, რომ მისი დასრულების შემდეგ მას ხელახლა აუცილებლად ჩართავთ, თანაც რამდენჯერმე და მოგეხსენებათ ასე როდის ვიქცევით - როდესაც სიმღერა განსაკუთრებულად აღწევს ჩვენს გულამდე.
ქართველი მომღერალი, ნათია თოდუა საზოგადოებისთვის ცნობილი მუსიკალურ კონკურსებში მონაწილეობით გახდა. განსაკუთრებული პოპულარობა და აღიარება ნათიას გერმანულმა პროექტმა Voice-მა მოუტანა, რომელშიც ქართველი მომღერალი ერთპიროვნული გამარჯვებული გახდა. ნათია საკუთარ Youtube არხზე ხშირად გვთავაზობს ცნობილი ჰიტების აკუსტიკურ ქავერებს და რა თქმა უნდა საკუთარ სიმღერებსაც, რომელთა ნაწილი ქართველმა საზოგადოებამ კარგად გაიცნო და შეიყვარა.
ნათიას გზავნილმა Love Letter-მა, რომელიც მისი ახალი ალბომის Miss You-ს ნაწილი გახლავთ, პარიზში გამართულ ფესტივალზე Music Video Underground-ზე თვის საუკეთესო ვიდეოს ნომინაციაში გაიმარჯვა, რასაც მოგვიანებით სხვადასხვა ქვეყნის ჯილდოებიც მოჰყვა. ჯერჯერობით უცნობია, როდის ვიხილავთ მომღერლის ახალ ალბომს, თუმცა მისი სინგლების ნაწილს ნათია Youtube-ის მეშვეობით გვიზიარებს.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
