ცნობილი მსახიობი ოლივია უაილდი ამ პერიოდში საკუთარ თავს რეჟისორის ამპლუაში ცდის და კარიერის უმნიშვნელოვანეს პროექტ Don't Worry Darling-ზე მუშაობს. ფილმში მთავარ როლებს ფლორენს პიუ და კრის პაინი ასრულებენ, რამდენიმე თვის წინ სამსახიობო გუნდს, One Direction-ის ყოფილი წევრი ჰარი სთაილსიც შეუერთდა, რომლის გამოჩენასაც გადასაღებ მოედანზე დიდი სკანდალი მოჰყვა და ის დღემდე გრძელდება.
ოლივია უაილდმა ჰარის სამადლობელი წერილი მიუძღვნა Instagram-ზე, შავ-თეთრი ფოტოს აღწერაში, რეჟისორმა დაწერა: "ნაკლებად ცნობილი ფაქტი: მამაკაცი მსახიობების უმრავლესობას არ სურთ მეორეხარისხოვანი როლის შესრულება ქალი რეჟისორის ფილმში. ინდუსტრიამ ისინი იმ აზრით აღზარდა, რომ ეს ფაქტი მათ რაღაც მხრივ აკნინებთ.
ძალიან რთულია იმ მამაკაცი მსახიობის პოვნა, რომელსაც გააზრებული აქვს, რატომ უნდა ითამაშოს იმ ფილმში, რომელშიც ძალაუფლება ქალის ხელშია
შესაძლოა, ეს პოსტი უბრალოდ სამადლობელ წერილად მოგეჩვენოთ, თუმცა ზემოთ ხსენებული სკანდალიც სწორედ აქ იმალება, ოლივია უაილდი და ჰარი ისთაილსი უკვე რამდენიმე თვეა ერთმანეთს ხვდებიან.
ყველაფერი კი ასე მოხდა...
ჰარი სთაილსმა Don't Worry Darling-ში, მსახიობი შაია ლებაფი ჩაანაცვლა, რომელსაც გადაღებების განრიგი არ აკმაყოფილებდა. ოლივია უაილდს ისე გაუხარდა ჰარის დათანხმება, რომ გამარჯვების ცეკვაც კი შეასრულა. სთაილსის გადასაღებ მოედანზე გამოჩენიდან რამდენიმე კვირაში ოლივია უაილდი საქმროს და თითქმის ათწლეულის პარტნიორ ჯეისონ სუდეიკის დაშორდა, რასაც ტაბლოიდების ჭორები და გაუთავებელი მითქმა-მოთქმა მოჰყვა, იმის თაობაზე, რომ ჰარი და ოლივია ერთმანეთს ხვდებოდნენ.
ეს ის შემთხვევა გახლდათ, როდესაც ტაბლოიდები ნამდვილად არ ცდებოდნენ, ჰარი სთაილსმა და ოლივია უაილდმა ურთიერთობა ძალიან მალე დაიწყეს და სულ რამდენიმე თვეში, ქორწილისკენ მიმავალი ხელჩაკიდებული წყვილის ფოტოებიც ვიხილეთ. ჰარისა და ოლივიას ახალი ურთიერთობის შესახებ კომენტარი ჯერაც არ გაუკეთებიათ, თუმცა უაილდის Instagram პოსტიდანაც მარტივად შეიძლება იმის თქმა, რომ ის ჰარით, უბრალოდ აღფრთოვანებულია.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
