რამდენიმე წლის განმავლობაში, საკულტო სერიალ Sex and the city-ს ძველი სერიების გადამღერების შემდეგ, ჩვენთვის ცნობილი გახდა, რომ ქერი ბრედშოუსა და მისი მეგობრების თავგადასავლი კვლავ გაგრძელდება. მიუხედავად იმისა, რომ ამ სიახლის გასაჯაროების შემდეგ თვეები გავიდა, ინტერესი ახალი სეზონის მიმართ არ ქრება. ჩვენ ხომ იმ კითხვებზე პასუხები გვსურს, რომლებიც ყველაზე მნიშვნელოვანია.
გამოცემა WWD-სთან საუბრისას, ქერი ბრედშოუს როლის შემსრულებელმა - სარა ჯესიკა პარკერმა, რამდენიმე საინტერესო დეტალი გაგვიმხილა. აღმოჩნდა, რომ ყველაფერი გაზაფხულის კარანტინის ჟამს დაიწყო. სარას იდეა დაებადა და უმალვე სერიალის რეჟისორ მაიკლ პატრიკ კინგს დაუკავშირდა, რათა სერიალის გაგრძელების მისეული სიუჟეტისთვის ხორცი შეესხათ. თუმცა, პირველი იდეა მალევე უარყვეს, სამაგიეროდ მინისერიალის გადაღება გადაწყვიტეს - And Just Like That და მუშაობაც სწორედ ამ პროექტზე დაიწყეს.
საინტერესო იქნება იმის ნახვა, ცხოვრების რომელ ეტაპზე იმყოფებიან სერიალის მთავარი გმირები. მირანდასა და შარლოტას შვილები უკვე გაიზარდნენ, ქერი კი ცხოვრებისეულ გამოწვევებთან გამკლავებას ცდილობ.
სარა ჯესიკა პარკერმა განმარტა, რომ მაყურებლები შეიტყობენ, თუ როგორ ურთირთობს თანამედროვე სამყაროში ქერი ბრედშოუ, როგორ მართავს ის სოციალურ ქსელებს და რა კუთხით წაიყვანა მან საკუთარი კარიერა.
არც ისე დიდი ხნის წინ, სარამ განგვიმარტა, რომ ისინი სემ კატრალის, სამანტა ჯონსის როლის შემსრულებლისთვის, შემცვლელს არ ეძებდნენ, სემმა უარი თქვა და ეს მხოლოდ და მხოლოდ მისი გადაწყვეტილება იყო. ახალ ინტერვიუში პარკერმა ამ თემაზე საუბარი აღარ მოინდომა, აი HBO Max-ის კონტენტ-დირექტორმა კი ყველაფერი უფრო ნათლად დაგვანახა.
სერიალის სამი გმირი მოგვიყვება, როგორია ქალის ცხოვრება ნიუ-იორკში, 50 წლის ასაკში, ამავე მიზეზით სამანტას არ ყოფნა მარტივად აიხსნება, 50 წლის ასაკში ის ადამიანები აღარ არიან ჩვენ გვერდით, რომლებთანაც 30 წლის ასაკში ვმეგობრობდით.
შეგახსენებთ, რომ სერიალის გადაღებები ჯერ არ დაწყებულა, ამიტომ ჩვენთვის უცნობია დაახლოებით როდის გვექნება ქერის, მირანდასა და შარლოტას ისტორიის გაგრძელების ნახვის სიამოვნება.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
