ქართული ნაციონალური ბალეტი „სუხიშვილები“ 28, 29 და 30 მარტს კლასიკური პროგრამით, უკრაინის მხარდასაჭერ კონცერტს წარმოგვიდგენს. 3-დღიანი კონცერტი საქველმოქმედო ხასიათის იქნება და ბილეთებიდან შემოსული თანხა საქართველოში უკრაინის საელჩოს ანგარიშზე გადაირიცხება, რომელიც შემდგომში მიზნობრივად მოხმარდება დაზარალებულებს.
„სუხიშვილების“ კონცერტი ვასო აბაშიძის ახალ თეატრში გაიმართება, ბილეთების შეძენა უკვე შესაძლებელია tkt.ge-ზე.
შეგახსენებთ, რომ 24 თებერვალს რუსეთის სამხედრო ჯარების უკრაინის ტერიტორიაზე შეჭრის და ომის გამოცხადების დროს, ქართული ნაციონალური ბალეტი, 2022 წლის ევროტურის ფარგლებში, უკრაინაში, ქალაქ ლუცკში იმყოფებოდა და კონცერტის გასამართად ემზადებოდა; თუმცა შექმნილი ვითარებიდან გამომდინარე, მათ ქვეყანა დატოვეს და საქართველოში დაბრუნებულებმა სრული მხარდაჭერა გამოუცხადეს უკრაინელებს.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
