ის, რომ აფხაზეთი საქართველოა უკვე არა მხოლოდ დედამიწელებისთვის, არამედ „მარსიანელებისთვისაც” ცნობილია.
აერონავტიკისა და კოსმიური სივრცის კვლევის ეროვნულმა სამმართველომ - NASA, მარსმავალი ხომალდი - Perseverance შექმნა, რომელმაც მისი პირველი მისია უკვე წარმატებით შეასრულა, მარსზე დაჯდა და იქიდან ფოტოც გამოგვიგზავნა.
ხომალდი ანტიკური ტბის მიმდებარედ დაეშვა და მას წინ დიდი ექსპედიცია ელოდება. მარსმავალმა უნდა შეისწავლოს სიცოცხლის ნიშნები წითელ პლანეტაზე და შექმნას ნიადაგი მომავალი აღმოჩენებისთვის.
ნასას ოფიციალურ ვებ-გვერდზე რეგისტრირებულ ადამიანებს შესაძლებლობა ჰქონდათ წერილები დაეტოვებინათ მარსმავალისთვის, ის კი მათ დაუსახლებელ პლანეტაზე წაიღებდა.
თერთმეტ მილიონ წერილს შორის მოხვდა ერთი, ყველასაგან გამორჩეული მესიჯი, რომელიც სოხუმელ - გიორგი ჯახაიას ეკუთვნის. მან სისტემაში საკუთარი სახელის ნაცვლად ჩაწერა - „აფხაზეთი საქართველოა! ჩვენ დავბრუნდებით!“. მარსმავალმა კი წერილი უკვე ადრესატამდეც მიიტანა.
დედამიწელებმა Perseverance-ს გზავნილები უკვე გაატანეს, დაველოდოთ იქნებ ხომალდმა მარსიდანაც ჩამოგვიტანოს შეტყობინებები.
ზურა თორია, www.ica.ge
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
