ცნობილი მშობლების, ვენსან კასელისა და მონიკა ბელუჩის უფროსი ქალიშვილი, დევა კასელი მოდის ინდუსტრიის დაპყრობას განაგრძობს. ბოლო დროს, 16 წლის დევას სახელი, საერთაშორისო სიახლეებს არ შორდება. გოგონას, ხან კომოს ტბაზე Dolce&Gabbana-ს სარეკლამო კამპანიის გადაღებებზე აფიქსირებენ, ხანაც დევა, ცნობილი გამოცემა ELLE-ს, ახლა კი ესპანური Harper's Bazaar-ის გარეკანსაც ამშვენებს.
ფოტოგრაფ ხავი გორდოს ობიექტივში, დევა კასელი, ქავერ-სთორის მთავარი გმირი, Dolce&Gabbana-ს კოსტუმში პოზირებს. დევას, შავ-თეთრი ოვერსაიზ პიჯაკი და შავი ბოდე აცვია. სხვა ფოტოებში დევამ, კიდევ უფრო ფერადი კოსტუმები მოირგო და ესპანური გამოცემის მარტის ნომერი უდავოდ დაამშვენა.
შეგახსენებთ, რომ დევა კასელი, ვენსან კასელისა და მონიკა ბელუჩის უფროსი ქალიშვილია. დევას, უმცროსი და 9 წლის ლეონი ჰყავს, შარშან კი მას ნახევარ-და ვენსანისა და ტინას ქალიშვილი ამაზონიც შეემატა. დევა კასელის შესახებ, ჩვენთვის ცოტა რამ არის ცნობილი, გარდა იმისა, რომ ახალგაზრდა მოდელი მოდის სამყაროს იპყრობს, მისი პირადი ცხოვრება და სხვა მნიშვნელოვანი დეტალები გასაიდუმლოებულია და ეს, პირველ, ყოვლისა, მისი მშობლების გადაწყვეტილება გახლავთ.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
