დაახლოებით ერთი თვის წინ ქალის თეთრეულის ერთ-ერთმა ყველაზე გავლენიანმა და ცნობილმა ბრენდმა Victoria's Secret-მა რებრენდინგს მიმართა და რეპუტაციის აღდგენის მიზნით განაცხადა, რომ „ანგელოზების“ ეპოქა წარსულში დარჩა და მომავალი მრავალფეროვნებას ეკუთვნის.
მრავალფეროვნების სიმბოლოები კი ფეხბურთელი მეგან რაპინო, მოდელი პალომა ელსესსერი, მსახიობი პრიანკა ჩოპრა, ფოტოგრაფი ამანდა დე კადენე, აგრეთვე ბრენდის პირველი ტრანსგენდერი მოდელი ვალენტინა სამპაიო და ადუტ აკეჩი გახდნენ. სულ რამდენიმე დღის წინ ცნობილი გახდა, რომ Victoria's Secret საკულტო შოუების დაბრუნებას აპირებს და რადგან, ბრენდმა „ანგელოზებზე“ უარი განაცხადა, ის განსხვავებულ ფორმატში დაგვიბრუნდება.
ორშაბათს გამართულ პრეზენტაციაზე, Victoria's Secret-ის CEO-მ მარტინ უოთერსმა განაცხადა, რომ კომპანიის „მიზანია, fashion show ბიზნესს დაუბრუნდეს. ჩვენ არ ვჩქარობთ როდის ან როგორ გაიმართება ჩვენება, თუმცა ის კი დანამდვილებით ვიცით, რომ ის კულტურულად რელევანტური იქნება“.
Victoria's Secret-ის წარმომადგენლებმა, 24-წლიანი ბრწყინვალე ისტორიის შემდეგ ყველაზე პოპულარული მოდის ჩვენებები 2019 წელს გააუქმეს და მის დაბრუნებაზე სიახლეებს ჯერაც არავინ ელოდა, საინტერესოა, რას შემოგვთავაზებენ ბრენდის წარმომადგენლები მომავალში.
ჩვენი ქვეყანა უკვე ქალი დიზაინერების გაერთიანების, Women in Lighting-ის საერთაშორისო საზოგადოების წევრია. საქართველოს წამომადგენელი AT Architect-ის დამფუძნებელი, არქიტექტორი და განათების დიზაინერი ანა თავართქილაძე გახდა.
რიგით 67-ე Grammy-ს დაჯილდოებისთვის რბოლა ოფიციალურად დაიწყო. ქართველ არტისტებს, ლიზა ყენიასა და აზიკო ფილიას, ტრეკით Sacrifice, შანსი ეძლევათ, გრემის ნომინანტების სიაში მოხვდნენ.
ფესტივალ "შემოდგომის თბილისის" ფარგლებში, 12 ოქტომბერს ჯანსუღ კახიძის სახელობის მუსიკალურ-კულტურულ ცენტრში, საგუნდო მუსიკის კონცერტია ჩანიშნული. სცენაზე კარლ ორფის სასცენო კანტატას, "კარმინა ბურანას" ქართველი მუსიკოსები და უნგრელი დირიჟორი გაბორ ჰოლერუნგი გააცოცხლებენ.
