საფრანგეთის კულტურის სამინისტროს მიერ ხელოვნების მეტრად (Maître d’art) აღიარებული ქართველი მოქანდაკის, ოქრომჭედლისა და იუველირის, გუჯი ამაშუკელის რეტროსპექტიული გამოფენა პარიზში, მერიის დარბაზში გაიხსნა. ექსპოზიცია სახელწოდებით "გუჯი პარიზში", ხელოვანის მიერ უკანასკნელ 48 წლის განმავლობაში შექმნილ ნივთებსა და სამკაულებს აერთიანებს.
ცნობილი ქუჩის არტისტის BANKSY-ს გამოფენა საქართველოში, ქართული სახვითი ხელოვნების მუზეუმში 18 ოქტომბერს გაიხსნება. სიახლე, მუზეუმის ოფიციალურ გვერდზე რამდენიმე საათის წინ გამოჩნდა და როგორც გავრცელებულ განცხადებაში ვკითხულობთ, „ბენქსი: ლეგენდის დაბადება“ მუზეუმის 5 წლის იუბილეს უკავშირდება.
ლონდონის სამხატვრო გალერეა Royal Academy 255 წლიანი არსებობის ისტორიის მანძილზე, მთავარ გალერეაში პირველი ქალი არტისტის - მარინა აბრამოვიჩის პერსონალურ გამოფენას მასპინძლობს. სერბი არტისტის რეტროსპექტივა მის ნახევარსაუკუნოვან კარიერას ეძღვნება, რომელმაც არაერთგვაროვანი გამოხმაურებისა და შეფასებების დამსახურება გახსნის დღიდანვე მოახერხა. ფაქტი კი ფაქტად რჩება - მარინა აბრამოვიჩი კვლავინდებურად სახელოვნებო სამყაროს მოვლენათა ეპიცენტრში.
21 ივლისს, The Why Not Gallery ვიზიტორებს კარს ლუკ ბარტონის პირველი პერსონალური გამოფენისთვის გაუხსნის. გამოფენა, სახელწოდებით Father Tongue, მოიცავს მხატვრის ნამუშევრებს ქაღალდზე და მინანქარზე, თითოეულს ზედმიწევნით დამუშავებულსა და პირადი სიმბოლიზმით გაჟღენთილს.
ექსპოზიციაზე განვითარებული ვიზუალური დიალოგი ტრადიციულ მედიუმში მომუშავე ორ ხელოვანს შორის იმართება, რომლებიც ცდილობენ მრავალსაუკუნოვანი მასალის გადააზრებას. აკადემიურობიდან ამოსული ორი შემოქმედებითი ხმა, ფორმისა და მასალის დამკვიდრებულ ტრადიციაში, წარმატებულად ახერხებს საკუთარი, მეტად უნიკალური ხელწერის პოვნას. გამოფენაზე წარმოდგენილი ნამუშევრები, სიმძიმის და სტატიკურობის პლასტიკურსა და დინამიკურად გარდაქმნის ბალანსზეა.
ჯგუფური და სოლო გამოფენები, ფერწერული ტილოები, მონოქრომული გრაფიკული სკეტჩები თუ მულტიმედია შოუ, თბილისში ერთდროულად რამდენიმე მნიშვნელოვანი გამოფენა მიმდინარეობს, რომელთა დიდი ნაწილის დასრულებამდე სულ ცოტა დრო რჩება და გირჩევთ, მათი სტუმრობა კვირის to do list-ში მოინიშნოთ, საგამოფენო სივრცეებისა და მათი გამოფენების გზამკვლევის როლს კი თქვენთვის დღესაც შევასრულებთ.
კვირას, 14 მაისს, გალერეა „ნობლესის“ ორგანიზებითა და მასპინძლობით, საქართველოში მერაბ გაგილაძის პირველი პერსონალური გამოფენა გაიმართება, სადაც წარმოდგენილი იქნება მხატვრის ახალი ნამუშევრები.
4 მაისს, ქართველი პრიმიტივისტი გენიოსის, ნიკო ფიროსმანაშვილის (1862-1918) ნამუშევრები, დანიაში, ლუიზიანას თანამედროვე ხელოვნების მუშეუმში გამოიფინება. ეს პირველი შემთხვევაა, როდესაც ფიროსმანის შემოქმედება სკანდინავიას სტუმრობს.
8 აპრილს, The Why Not Gallery -ში, გამოფენა ორი განსხვავებული თაობისა და პრაქტიკის მქონე ხელოვანის, ემირ ბურჯანაძისა (1937-2014 წწ.) და ნინო საკანდელიძის (1985წ.) გამოფენა სახელწოდებით „ნაპრალთან ახლოს სიჩუმეა“ გაიხსნება.
27 მარტს, 19:00 საათზე „რადისონ ბლუ ივერიაში“ საგამოფენო სივრცეში სეფოს, მხატვარი თენგიზ სეფიაშვილის ექსპოზიცია გაიხსნა, რომელსაც სასტუმრო მომავალი ორი თვის განმავლობაში უმასპინძლებს.
