ნათია ფარქოსაძე The Diary-ზე ფსიქოლოგიური კაბინეტის ავტორია. ფსიქოკონსულტანტი ყოველ ჯერზე შეეცდება ჩვენი განწყობები აამაღლოს, დაგვეხმაროს აღმოვაჩინოთ და დავამარცხოთ შიშები, რომელიც წინსვლაში ხელს გვიშლის. დღეს კი ის ჩვენი დროის ერთ-ერთი ყველაზე შთამაგონებელი სულიერი მასწავლებლის ოშოს რეკომენდაციას გვიზიარებს თუ როგორ უნდა დავიცვათ თავი პანდემიისგან.
როგორ დავიცვათ თავი პანდემიისგან? ეს კითხვა სულიერ მასწავლებელსა და ფილოსოფოს ოშოს შიდსის აფეთქებისას, დაახლოებით 40 წლის წინ დაუსვეს .
ოშო: თქვენ არასწორად სვამთ კითხვას! მართებულია იკითხოთ: როგორ ავარიდოთ თავი პანდემიის შიშისგან სიკვდილს? იმიტომ რომ ვირუსისგან თავის არიდება იოლია, მაგრამ ძალიან რთულია თავი აარიდო შიშს. შიშისგან უფრო მეტი ადამიანი მოკვდება, ვიდრე პანდემიისგან. შიშზე სასტიკი ვირუსი არ არსებობს ამ ქვეყანაზე. შიშს თუ არ გააცნობიერებთ, სხეულზე მალე თქვენი სული გარდაიცვლება. და აქ ვირუსი არაფერ შუაშია! ის საშინელი ატმოსფერო, რასაც ამ პერიოდში გრძნობთ- კოლექტიური სიგიჟე უფროა, ვიდრე პანდემია... ასეთი რამ ათასჯერ მომხდარა და კიდევ იქნება.... მანამ, სანამ არ გაიგებთ და გააცნობიერებთ მასისა და შიშის ფსიქოლოგიას. ადამიანები ძირითადად აკონტროლებენ თავის შიშებს, მაგრამ კოლექტიური პანიკის დროს, თქვენი ცნობიერება შეიძლება სულ დაიკარგოს... და ამ დროს, ვერც კი ამჩნევ ისე კარგავ კონტროლს შენს შიშზე. და მაშინ შიში გაგაკეთებინებს ყველაფერს, რაც უნდა... უახლოეს მომავალში იმდენი რამე მოხდება... ბევრი ადამიანი მოიკლავს სულს, ბევრი კი სხვისას მოკლავს... გაფრთხილებთ, იყავით ყურადღებით! ნუ უყურებთ იმ ინფორმაციებს, რომლებიც შიშს ბადებს. შეწყვიტეთ პანდემიაზე საუბარი და ერთიდაიგივეს გამეორება ისევ და ისევ და ისევ- ეს თვითჰიპნოზია!
შიში ესაა გარკვეული სახის თვითჰიპნოზი!
მას შეუძლია ორგანიზმში ქიმიური ძვრებიც კი გამოიწვიოს. როდესაც გაუთავებლად იმეორებთ ერთიდაიგივეს, ხდება ქიმიური ცვლილებები, რომლებიც ისეთი ტოქსიკურია, რომ შეიძლება გადაგიყოლით კიდეც. ეპიდემიის დროს ენერგია მთელს მსოფლიოში არარაციონალური ხდება. ასეთ სიტუაციაში ნებისმიერ დროს შეიძლება 'შავ ხვრელში' ჩავარდნა. ხოლო მედიტაცია შეგძენთ დამცავ აურას, რომელშიც ვერ შეაღწევს ნეგატიური ენერგია.
ეს პასუხი გასცა ბჰაგვან შრი რაჯნიშმა, იგივე ოშომ კითხვა თუ როგორ უნდა დაგვეცვა თავი პანდემიისგან. და კი, ეს კითხვა შიდსის ეპიდამიას ეხებოდა, თუმცა, დღეს, Covid-19-ის პანდემიის დროსაც აქტუალურია.
მოდის ტრენდები ელვის სისწრაფით იცვლება, თუმცა უჟანგავი ფოლადის სამკაული ყველაზე ჭკვიანურ გადაწყვეტილებად რჩება, რომელიც ყოველდღიურ სამოსს, თუ განსაკუთრებული შემთხვევებისთვის შექმნილ Look-ს დასრულებულ სახეს აძლევს. დღეს ფრანგული ბრენდის, ZAG Bijoux-ს შესახებ მოგიყვებით, რომელიც საქართველოში ექსკლუზიურად TI’ME-ის მაღაზიათა ქსელმა შემოიყვანა.
Victoria's Secret-ის შოუმ, რომელიც 6 წლის შემდეგ პირველად ჩატარდა, დიდი ხმაური და აჯიოტაჟი გამოიწვია. მოლოდინი გამართლდა, პოდიუმზე სამოდელო სამყაროს ყველაზე ხმამაღალი მოდელები ვიხილეთ. თუმცა "ანგელოზი", რომელსაც ყველაზე მეტად ელოდა ქართველი ხალხი, მატლიდა გვარლიანი გახლავთ.
ინსპირაციისთვის ICR-ის კატალოგი დავათვალიერეთ და SCARPIERA-ს კოლექციაზე შევჩერდით, რომელიც ქალისა და მამაკაცის მამაკაცის უმაღლესი ხარისხის ფეხსაცმელსა და აქსესუარს გვთავაზობთ.
