2020 წლის მანძილზე Google-ის საძიებო სისტემაში ყველაზე აქტუალური თემა ახალი კორონა ვირუსი და მასთან დაკავშირებული ახალი ამბები გახლდათ, თუმცა კოვიდის თემის მიღმა GOOGLE-მა იმ ვარსკვლავების სია შემოგვთავაზა, რომელთა სახელებიც ინტერნეტ მომხმარებლებმა გასული წლის მანძილზე ყველაზე ბევრჯერ და-GOOGLE-ეს.
#10 ლეა მიჩელი
მსახიობი წლის დასაწყისში აქტუალური არც ისე სასიამოვნო ინციდენტის გამო გახდა. ტელე შოუ Glee-ის თანავარსკვლავმა - სამანტა უაიარმა ლეა მიჩელი გადასაღებ მოედანზე მის მიმართ უხეშ დამოკიდებულებაში დაადანაშაულა. ამ ამბავს რამდენიმე სხვა მსახიობის განცხადებებიც მოჰყვა. მოგვიანებით ლეამ მსახიობს ბოდიში Twitter-ზე გამოქვეყნებული პოსტის საშუალებით მოუხადა.
#9 რაიან დორსი
ტელე-შოუების მსახიობის, რაიან დორსის მიმართ ინტერესი იმ ოჯახური ტრაგედიის გამო გაჩნდა, რომელიც 2020 წლის ივლისში, პირუს ტბაზე მოხდა. რაიანის ყოფილი მეუღლე ტბაში დაიხრჩო. მსახიობი ამჟამად ერთადერთ ვაჟს - ჯოზის მარტო ზრდის.
#8 დენი მასტერსონი
დენი მასტერსონი შესრულებული როლების ნაცვლად იმით დაამახსოვრდებათ, რომ მსახიობს ბრალად 2001-დან 2003 წლამდე 3 ქალის გაუპატიურება ედება ბრალად. სასამართლოში საქმე სწორედ 2020 წელს აღიძრა და მეორეხარისხოვანმა მსახიობმაც თავისი 1 წუთიანი დიდება ჰპოვა.
#7 ხოაკინ ფენიქსი
ხოაკინ ფენიქსისთვის 2020 განსაკუთრებით წარმატებული წელი აღმოჩნდა. მსახიობმა წლის დასაწყისში Joker-ში შესრულებული როლისთვის ყველა სამსახიობო ჯილდო მოხიკა, ბოლოს კი ოქროზე ნადირობა მამაკაცის როლის საუკეთესოდ შესრულებისთვის მოპოვებული კინო აკადემიის უმაღლესი ჯილდოთი - “ოსკარით” დაასრულა.
#6 ემბერ ჰარდი
ჯონი დეპთან სკანდალური განშორების პროცესს, 2020 წელს სასამართლოში ყოფილი ქმრის წინააღმდეგ შეტანილი სარჩელი მოჰყვა, რომელშიც ემბერ ჰარდი ირწმუნებოდა, რომ ექსმა მასზე ფიზიკურად იძალადა. დეპმა ერთ-ერთ ტაბლოიდს იმის გამო უჩივლა, რომ სტატიაში მას “ცოლზე მოძალადე” უწოდეს, მაგრამ მსახიობმა სასამართლო წააგო.
#5 რიკი გერვაისი
როგორც ჩანს, 2020 წლის ოქროს გლობუსის დაჯილდოების წაყვანის შემდეგ, რიკი გერვაისით და მისი ფენომენალური მონოლოგით ბევრი დაინტერესდა.
#4 ტიმოთი ჩალამეტი
ახალგაზრდა მსახიობი ბოლო წლების ნამდვილი სენსაციაა, თუმცა 2020-ში მის მიმართ გაათმაგებული ყურადღება ინტერნეტში გავრცელებულმა ფოტოებმა მიიპყრო, რომლებშიც ტიმოთი ჩალამეტი მსახიობ ეიზა გონსალესთან ერთად ჯაკუზიში ნებივრობს.
#3 ჯადა პინკეტ
უილ სმიტის და მისი ოჯახის მიმართ ინტერესი არასდროს იკლებს, თუმცა ბოლო 12 თვის მანძილზე ცნობილი წყვილი ტაბლოიდების ჰედლაინებში ჯადა პინკეტ სმიტის ყოფილი რომანის გამო მოხვდა. ამერიკელი მომღერალი - აუგუსტ ალსინა ირწმუნებოდა, რომ ჯადასთან რომანტიკულ ურთიერთობაში იმყოფებოდა და ამის შესახებ უილ სმიტმაც კარგად იცოდა. ჭორების გავრცელების შემდეგ, პინკეტ სმიტი საკუთარ შოუში მეუღლესთან ერთად დაჯდა და განმარტა, რომ აუგუსტთან შეხვედრის დროს ის და უილი დაშორებულები იყვნენ.
#2 კრის დელია
კრის დელიაც იმ მსახიობი მამაკაცების სიას მიეკუთვნება, რომელსაც გასული წლის მანძილზე სექსუალურ შევიწროვებაში ბრალი ათობით ქალმა დასდო.
#1 ტომ ჰენკსი
ორგზის ოსკაროსანი მსახიობი გასულ წელს აქტუალური კორონა ვირუსის გამო გახდა. ტომ ჰენკსი და მისი მეუღლე - რიტა უილსონი ფაქტიურად პირველები იყვნენ იმ ვარსკვლავებს შორის, რომლებსაც კოვიდი დაუდასტურდათ. ჰენკსი ჯანმრთელობის მდგომარეობის შესახებ ინფორმაციას სოციალური ქსელის საშუალებით აქტიურად გვიზიარებდა.
ზაკ ეფრონი იბიცაზე, აუზზე მომხდარი ინციდენტის შემდეგ საავადმყოფოში გადაიყვანეს. წყაროს ცნობით, ჰოლივუდელი მსახიობი, რომელიც ევროპაში ოლიმპიადის დაწყებიდან მოყოლებული იმყოფება, აუზიდან ორი პირის დახმარებით ამოიყვანეს.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
