უკვე ოთხი თვე გავიდა მას შემდეგ, რაც Netflix-ზე სერიალი Emily in Paris გამოჩნდა, მაყურებელი კი მთავარი როლის შემსრულებლის სტილზე დღემდე ბჭობს. ჩანაფიქრში ლილი კოლინსის პერსონაჟი ახალი კერი ბრედშოუ უნდა ყოფილიყო, რომელიც ეკრანიდან პარიზული მოდის სურნელს ჩაგვასუნთქებდა, თუმცა სერიალის მხატვრებისა და დიზაინერების გადაწყვეტილებებს ბევრი არ ეთანხმება.
ფრანგული გამომცემლობა Grazia-ს რედაქტორი, მატილდა კარტონი ერთ-ერთ ინტერვიუში ამბობს, რომ ტელე-შოუს შემქმნელებმა გადაამლაშეს.
ემილი ზედმეტად გაპრიალებული, ზედმეტად მონდომებულია. მისი სამოსი პარიზულ ყოველდღიურობაში წარმოუდგენელია
პარიზული სტილი სიმარტივეს ასხივებს, რომელსაც არა თუ განსაკუთრებული ძალისხმევა, არამედ ისიც არ ეტყობა, რომ ვიღაცამ სარკესთან 15 წუთზე მეტი დახარჯა.
საინტერესოა ის, რომ ლილი კოლინსის სტილი გაცილებით შეესაბამება სერიალის მთავარ გმირს. რამდენიმე დღის წინ მსახიობი ლოს-ანჟელესის ქუჩებში დააფიქსირეს. ახალგაზრდა ქალი oversized მოსასხამსა და შავ, კოჭებთან გადაჭრილ შარვალში იყო გამოწყობილი. Look-ის ბოლო და პარიზული გლამურით გაჟღენთილი დეტალი კი გუჩის ფეხსაცმელი გახლდათ.
ლილის სტილი მოდის კრიტიკოსებმა რამდენიმე თვის წინაც შეაქეს, როდესაც მსახიობმა ქუჩის სტილისთვის არჩევანი კარამელისფერ ტყავის მოსასხამზე, დახეულ ჯინსებსა და მოსასხამის ტონალობაში გადაწყვეტილ ფეხსაცმელზე შეაჩერა.
Netflix სერიალის მეორე სეზონის მომავალ წელს შემოგვთავაზებს. საინტერესოა, გაითვალისწინებენ თუ არა შოუს მხატვრები მოდის კრიტიკოსების აზრს.
თუ მათ დავუჯერებთ, უმჯობესია კოლინზი გადაღებებს საკუთარი გარდერობით ეწვიოს.
ზაკ ეფრონი იბიცაზე, აუზზე მომხდარი ინციდენტის შემდეგ საავადმყოფოში გადაიყვანეს. წყაროს ცნობით, ჰოლივუდელი მსახიობი, რომელიც ევროპაში ოლიმპიადის დაწყებიდან მოყოლებული იმყოფება, აუზიდან ორი პირის დახმარებით ამოიყვანეს.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
